पनीर खाताय सावधान! पनीरमध्ये आढळले डिटर्जंट, युरिया अन् स्टार्च

पुणे: पनीर हा फक्त व्हेजच नव्हे तर नॉनव्हेज खाणाऱ्यांचाही आवडता पदार्थ आहे. कोणताही कार्यक्रम असो, पनीरचा बेत फिक्स असतोच. पण आता पनीरप्रेमींनी सावध राहण्याची गरज आहे.

702 अन्न नमुन्यांच्या तपासणीत धक्कादायक खुलासा

अन्न सुरक्षा आणि मानक प्राधिकरण (FSSAI) यांनी देशभरात घेतलेल्या 702 अन्न नमुन्यांच्या तपासणीत पनीरबाबत चिंताजनक बाब उघडकीस आली आहे. पनीर हे सर्वाधिक भेसळयुक्त उत्पादन ठरले आहे.

पनीरमध्ये आढळले हे घातक पदार्थ

डिटर्जंट

युरिया

स्टार्च

रासायनिक घटक

हे सर्व पदार्थ आरोग्यास अत्यंत घातक आहेत, विशेषतः लहान मुले आणि वृद्धांसाठी

काय होते परिणाम

भेसळयुक्त पनीर खाल्ल्यामुळे होऊ शकतात:

पचनसंस्थेचे विकार

अ‍ॅलर्जी

दीर्घकालीन आजार

FSSAI चा इशारा आणि उपाययोजना

FSSAI ने ग्राहकांना पुढील गोष्टींकडे लक्ष देण्याचा सल्ला दिला आहे.

ब्रँडेड व प्रमाणित पनीरच खरेदी करा.

पॅकेजिंग आणि लेबलिंग तपासा.

शंका असल्यास पनीर टाळा.

पुण्यातील भेसळखोर फॅक्टरीवर छापा

पुणे जिल्ह्याच्या मांजरी येथे भेसळयुक्त पनीर बनवणाऱ्या फॅक्टरीवर पोलिस आणि अन्न प्रशासन विभागाने कारवाई केली होती.

यावेळी 11 लाख 56 हजार रुपये किंमतीचे भेसळयुक्त पनीर जप्त करण्यात आले होते.

नागरिकांनो, सावध राहा

अन्नाची शुद्धता ही तुमच्या आरोग्याशी थेट संबंधित आहे.