दाढ दुखतं असल्यास ‘हा’ उपाय करा- १५ मिनिटांत दुखणं थांबेल

दात दुखीचा त्रास अनेकजणांना होतो. थंड- गरम पदार्थ खाण्यात आले तर दात ठणकू लागतात.

दाढा ठणकायला लागल्या किंवा हिरड्या दुखायला लागल्या तर लगेच काही जण औषधं- गोळ्या घेऊन मोकळे होतात.

पण त्यापेक्षा हा एक सोपा घरगुती उपाय करून पाहिला तर काही मिनिटांतच दातदुखी कमी होऊ शकते.

हा उपाय करण्यासाठी एका वाटीमध्ये थोडी मिरेपूड घ्या.

२ ते ३ लवंग थोड्या भाजून घ्या आणि नंतर त्या थोड्या कुटून घ्या. मिरेपूड आणि लवंग एकत्र करा. त्यांच्यामध्ये असणारे ॲण्टी बॅक्टेरियल, ॲण्टी फंगल गुणधर्म दाढेचं दुखणं कमी करण्यासाठी मदत करतात.

 

आता लवंग आणि मिरेपूड यांच्यात थोडं मोहरीचं तेल घाला आणि त्यांची पेस्ट करा. ही पेस्ट दुखऱ्या दाढेवर, हिरड्यांवर लावा.

१० ते १५ मिनीटांसाठी ती तशीच ठेवा. तोपर्यंत काहीही खाऊ नका. २० मिनिटांनी तोंडातलं पाणी थुंकून टाका. हिरड्या, दाढांना लगेच आराम मिळेल.

(सोशल मीडियावरून साभार)