मुंबई: राष्ट्रवादी काँग्रेसच्या राष्ट्रीय अध्यक्षा तथा उपमुख्यमंत्री सुनेत्रा अजित पवार यांच्याविरोधात काँग्रेसच्या सोशल मीडिया हँडलवर करण्यात आलेल्या ‘गुंगी गुडिया’ या टिप्पणीच्या निषेधार्थ राष्ट्रवादी काँग्रेसने बुधवारी मुंबईतील महात्मा गांधी यांच्या पुतळ्यासमोर मूक आंदोलन केले.
मुंबई कार्याध्यक्ष सिद्धार्थ कांबळे यांच्या नेतृत्वाखाली झालेल्या या आंदोलनात कार्यकर्त्यांनी हाताला काळ्या फिती बांधून आणि हातात संविधान घेऊन काँग्रेसच्या विरोधात निषेध व्यक्त केला. काँग्रेसकडून अद्याप माफी मागण्यात आलेली नसल्याने आंदोलन अधिक तीव्र करण्यात आल्याचे राष्ट्रवादी काँग्रेसच्या पदाधिकाऱ्यांनी सांगितले.
यापूर्वी मंगळवारी काँग्रेसचे प्रदेशाध्यक्ष हर्षवर्धन सपकाळ यांच्या गांधी भवन येथे झालेल्या पत्रकार परिषदेत राष्ट्रवादी काँग्रेसच्या कार्यकर्त्यांनी घुसून आंदोलन केले होते. त्यानंतरही काँग्रेसकडून दिलगिरी व्यक्त न झाल्याने पुन्हा मूक आंदोलन करण्यात आले.
या आंदोलनात आमदार सना मलिक-शेख, महिला प्रदेशाध्यक्षा वैशाली नागवडे, ज्येष्ठ नेत्या सुरेखाताई ठाकरे, युवक प्रदेशाध्यक्ष निखिल ठाकरे, प्रदेश सरचिटणीस संतोष धुवाळी, कार्यालयीन सचिव संजय तटकरे, दक्षिण मुंबई जिल्हाध्यक्ष महेंद्र पानसरे, सहकार सेल अध्यक्ष नंदकुमार काटकर, ज्येष्ठ नेते बापू भुजबळ यांच्यासह पक्षाचे जिल्हाध्यक्ष, महिला पदाधिकारी आणि कार्यकर्ते मोठ्या संख्येने सहभागी झाले.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…