कुरडू अथवा कोंबडा वनस्पती

{"remix_data":[],"remix_entry_point":"challenges","source_tags":["local"],"source_ids":{},"source_ids_track":{},"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false}

रस्त्याच्या कडेला असणारी ही वनस्पती अत्यंत गुणकारी आहे. कुरडू नाव तुम्ही सर्वांनी ऐकलं असेल. या वनस्पतीला पांढऱ्या आणि गुलाबी रंगाची फुले असतात. पहायला सुंदर असलेली ही वनस्पती शेताच्या बांधावर शेतामध्ये पडीत जमिनीवर आपोआप उगवते. याला कुरडू, पांढरा कोंबडा, मोर पंख असेसुद्धा म्हणतात.

कुर्डू ही वनस्पती अनेक व्याधींवर फायदेशीर आहे. सांधेदुखी जाण्यासाठी, नामर्दाला मर्द बनवणारी, कमजोरी दूर करण्यासाठी, थकवा जाण्यासाठी, मुतखडा बाहेर काढण्यासाठी, दाताचे कोणतेही विकार असो, म्हणजे दातातील किडा बाहेर काढण्यासाठी, दात दुखत असेल तर दुखणे नाहीसे करण्यासाठी, कमी करण्यासाठी, दातातून रक्त येत असेल तर ते बंद करण्यासाठी याचा फायदा होतो.

ज्या लोकांचे पोट साफ होत नाही, पोटात दुखणे, पोट गॅस धरणे या संबंधीचा त्रास असेल, तर या वनस्पतीची चार पाने दोन दिवस सकाळी उठल्यानंतर किंवा संध्याकाळी चार पाने नक्की खा. याचा कोणताही साईड इफेक्ट होत नाही. ही वनस्पती कफ, वात, पित्तशामक आहे. या वनस्पतीच्या फुलांमध्ये काळे व चमकदार बीज असते. हे बीज आयुर्वेदामध्ये अति उपयुक्त मानले जाते. आयुर्वेदानुसार यांच्या बिया मूत्रल, शितल, शक्ती, बुद्धी वाढवणारे, व रुची वाढवणारे असतात, आणि या बिया कोणत्याही आयुर्वेदिक स्टोअर्समध्ये सहज मिळतील.

जर आपल्याला वारंवार लघवी होत असेल, लघवी करतेवेळी दुखत असेल, लघवीला जळजळ करत असेल, तर या बियांचे चूर्ण 2 ग्रॅम, आणि खडीसाखर 2 ग्रॅम याप्रमाणे दोन वेळा दिवसातून घेतल्यास आपली लघवी साफ होण्यासाठी मदत होईल. जळजळणे थांबेल आणि लघवीच्या जागी दुखणे सुद्धा थांबेल.

काही लोकांना पोटासंबंधी चा कोणताही विकार नसतो तरी देखील त्यांच्या पोटात दुखणे, पोट गडगडणे अशा समस्या निर्माण होत असतात. तर अशा व्यक्तींनी या वनस्पतीची मुळे चावून-चावून मुळीचा रस पिऊन घ्यायचा. असे तुम्ही तीन ते सात दिवस केले तर पोटासंबंधी कोणत्याही तक्रारी निर्माण होणार नाहीत. या वनस्पतीच्या बिया नियमित खाल्ल्यामुळे मुतखडा, किडनी साफ होते. मुतखड्यासाठी आयुर्वेदिक औषध म्हणून कुर्डू वनस्पती च्या बिया वापरल्या जातात.

मुतखडा बाहेर काढण्यासाठी अत्यंत फायदेशीर आहे. याशिवाय मूत्रपिंडाचे अनेक आजार नाहीसे करण्यासाठी सुद्धा या वनस्पतीच्या बिया चा उपयोग केला जातो. त्यासाठी आपण त्याच्या बियांची पावडर व अर्धा चमचा मध, एकत्र करून सकाळ संध्याकाळ उपाशीपोटी सेवन केले, तर मुतखड्याचा त्रास नाहीसा होण्यास मदत होईल आणि त्याचबरोबर मूत्रपिंडा संबंधित अनेक समस्याही दूर होतील.

(सोशल मीडियावरून साभार)

शिरूर तालुका टीम