लसणाची सालं फेकून न देता या पद्धतीनं करा घरगुती लसूण पावडर

लसणाची सालं अनेकदा आपल्या किचनमध्ये निरूपयोगी समजून फेकून दिली जातात. ही सालं सरळ कचऱ्याच्या डब्यात फेकली जातात. पण तुम्हाला माहिती आहे का याच सालींचा वापर करून तुम्ही फ्लेवरफूल गार्लिक पावडर बनवू शकता. लसणाची सालं एक उत्तम सिजनिंग इंग्रेडिएंट आहेत. जी तुम्हाला अनेक रेसिपीजमध्ये वापरता येतील. ज्यामुळे पदार्थाला चांगली चव येईल. इतकंच नाही तर फ्लेवरही वाढेल. आरोग्याच्या दृष्टीनंही याचे अनेक फायदे आहेत. लसणाच्या मदतीने तुम्ही लसणाची पावडर बनवू शकता.

लसणाची पावडर बनवण्याची योग्य पद्धत

सगळ्यात आधी लसूण व्यवस्थित धुवून घ्या. जेणेकरून त्यावर कोणतीही घाण किंवा किटकनाशक असतील तर निघून जातील. नंतर ही सालं उन्हात व्यवस्थित सुकवून घ्या. जर तुम्ही ऊन्हात सुकवू शकत नसाल तर ओव्हनमध्ये सुकवू शकता. सुकल्यानंतर ही सालं मिक्सर ग्राईंडरमध्ये घालून व्यवस्थित वाटून घ्या. ही पावडर तुम्ही कोणत्याही एअरटाईट कंटेनरमध्ये ठेवू शकता. जेव्हा गरज असेल तेव्हा याचा वापर करा.

पीठ मळताना सॅलेड, सूप बनवताना, भातात फ्लेवर घालण्यासाठी तुम्ही याचा वापर करू शकता. यामुळे युनिक टेस्ट येईल आणि रेस्टोरंटसारखी स्पेशल रेसिपी बनेल. जेव्हा तुम्ही लसणाचा वापर कराल तेव्हा सालं बाहेर फेकण्याऐवजी कोणत्याही भांड्यात ठेवा. जेव्हा सालं भरपूर जमा होतील तेव्हा याची पावडर बनवून कुकींगसाठी वापरा.

(सोशल मीडियावरून साभार)