मोबाईलवरील अश्लील व्हिडिओंचा परिणाम? धक्कादायक घटनेने समाजात संताप
अंबाजोगाई: बीड जिल्ह्यातील अंबाजोगाई तालुक्यात एक अत्यंत धक्कादायक आणि संतापजनक घटना उघडकीस आली आहे. अवघ्या दोन वर्षांच्या चिमुरडीवर तिच्याच १५ वर्षीय मामेभावाने लैंगिक अत्याचार केल्याचा प्रकार समोर आला असून या घटनेने संपूर्ण जिल्हा हादरला आहे.
मिळालेल्या माहितीनुसार, संबंधित चिमुरडीचा १७ मार्च रोजी घरासमोरील पाण्याच्या हौदात पडून मृत्यू झाल्याची नोंद सुरुवातीला अपघाती मृत्यू म्हणून करण्यात आली होती. मात्र, अंबाजोगाई येथील स्वामी रामानंद तीर्थ ग्रामीण शासकीय रुग्णालयात करण्यात आलेल्या शवविच्छेदनात मुलीवर अत्याचार झाल्याचे स्पष्ट झाले. त्यानंतर पोलिसांनी या प्रकरणाचा सखोल तपास सुरू केला.
तपासादरम्यान पोलिस निरीक्षक मुरलीधर खोकले यांच्या पथकाने संशयितांवर लक्ष केंद्रित केले. मृत्यूनंतर पीडितेचा १५ वर्षीय मामेभाऊ संशयास्पद वर्तन करत असल्याचे लक्षात आले. त्याने तीन दिवस अन्न न घेणे आणि सतत रडणे यामुळे पोलिसांना संशय आला. चौकशीदरम्यान त्याने गुन्ह्याची कबुली दिली.
प्राथमिक तपासात आरोपीने मोबाईलवर अश्लील व्हिडिओ पाहून हे कृत्य केल्याचे समोर आले आहे. या घटनेमुळे मोबाईलवरील अशा प्रकारच्या अनियंत्रित सामग्रीबाबत पुन्हा एकदा गंभीर प्रश्न उपस्थित झाले आहेत.
या प्रकरणात पोलिस अधीक्षक नवनीत कांवत, अपर पोलिस अधीक्षक चेतना तिडके आणि सहाय्यक पोलिस अधीक्षक ऋषिकेश शिंदे यांच्या मार्गदर्शनाखाली तपास सुरू असून आरोपी अल्पवयीन असल्याने त्याला बालसुधारगृहात पाठविण्याची प्रक्रिया सुरू आहे.
दरम्यान, या अमानुष घटनेमुळे परिसरात तीव्र संताप व्यक्त केला जात असून नागरिकांकडून आरोपीला कठोर शिक्षा देण्याची मागणी होत आहे.
समाजासाठी इशारा
या घटनेच्या पार्श्वभूमीवर पालकांनी आपल्या मुलांच्या मोबाईल वापरावर लक्ष ठेवणे, त्यांच्या वर्तनातील बदल ओळखणे आणि योग्य मार्गदर्शन करणे अत्यंत गरजेचे असल्याचे मत व्यक्त केले जात आहे.
शिरूर (अरुणकुमार मोटे): शिरूर तालुक्यातील बेट भागात जुगार, हातभट्टी दारू, ताडी तसेच अवैध मद्यविक्रीचे धंदे…
शिक्रापूर (ओमकार भोरडे): महावितरणच्या रोहित्र (डीपी) चोरीच्या घटनांना प्रतिबंध घालण्यासाठी महावितरण व पोलिस प्रशासनाच्या संयुक्त…
शिरुर (तेजस फडके): शिरूर तालुक्यातील कारेगाव येथे हृदय पिळवटून टाकणारी घटना घडली असून, एका तीन…
मुंबई : धी यशोदाबाई गोविंद गंगाधर फडके चॅरिटेबल ट्रस्टतर्फे गेल्या पाच वर्षांपासून राबविण्यात येणाऱ्या पाठ्यपुस्तक…
तळेगाव ढमढेरे : शिरूर तालुक्यातील शिक्रापूर, कोरेगाव भीमा व तळेगाव ढमढेरे येथील आठवडे बाजारांमध्ये वाढत्या…
शिरूर (अरुणकुमार मोटे): "तुझ्या चुकीच्या सांगण्यामुळे मला कंपनीतून कामावरून काढण्यात आले," असा जाब विचारत एका…