पुणे: आग्रा दक्षिण बायपासवरील रायभा टोल प्लाझा येथे भाजप आमदाराच्या मुलाने टोल कर्मचाऱ्याला थप्पड मारल्याचा व्हिडिओ समोर आला आहे. फास्टॅग नसल्यामुळे टोल कर्मचाऱ्याने कार अडवून शुल्क मागितल्याने हा वाद निर्माण झाल्याचे सांगितले जात आहे.
मिळालेल्या माहितीनुसार, चौधरी बाबूलाल यांचा मुलगा दुपारी सुमारे १२ वाजता टोल नाक्यावरून जात असताना कर्मचाऱ्यांनी टोल भरण्यास सांगितले. “गाडी का रोखली? पैसे का मागितले?” असा सवाल करत आमदारपुत्राने संताप व्यक्त केला. शाब्दिक चकमकीचे रूपांतर वादात झाले आणि संतापाच्या भरात त्याने कर्मचाऱ्याच्या कानाखाली मारल्याचे सीसीटीव्ही फुटेजमध्ये दिसत आहे.
कारमध्ये असलेल्या दुसऱ्या व्यक्तीने मध्यस्थी करत हा वाद शांत केला. मात्र, या घटनेचा व्हिडिओ सोशल मीडियावर व्हायरल झाल्यानंतर नेटकऱ्यांनी संताप व्यक्त केला आहे. “कर्मचारी आपले काम करत होता, त्याला मारहाण करण्याची गरज नव्हती,” असा सूर अनेकांकडून उमटत आहे.
दरम्यान, आमदार चौधरी बाबूलाल यांनी टोल कर्मचाऱ्यांनी गैरवर्तन केल्याचा आरोप केला आहे. त्यांच्या मते, सुरेश चौधरी कोल्ड स्टोरेज सुविधेतून किरावलीकडे परतत असताना टोल कर्मचाऱ्यांनी पैसे मागितले आणि गाडी आमदारांची असल्याचे ओळखूनही उद्धटपणा केला, त्यामुळे वाद वाढला.या प्रकरणी अद्याप अधिकृत तक्रार दाखल झाली आहे का, याबाबत स्पष्ट माहिती समोर आलेली नाही. मात्र, व्हायरल व्हिडिओमुळे राजकीय वर्तुळात आणि सोशल मीडियावर या घटनेची जोरदार चर्चा सुरू आहे.
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…