पुणे : कामानिमित्त पुण्यात आलेल्या लातूर जिल्ह्यातील अहमदपूर येथील प्रवाशाच्या खिशातून गर्दीचा फायदा घेत अज्ञात चोरट्यांनी तब्बल ५० हजार रुपयांची रोकड लंपास केल्याची घटना स्वारगेट परिसरात घडली. पीएमपीएल बसमध्ये चढत असताना ही चोरी झाल्याचा संशय असून, या घटनेमुळे गर्दीच्या ठिकाणी प्रवाशांच्या सुरक्षेचा प्रश्न पुन्हा ऐरणीवर आला आहे.
मिळालेल्या माहितीनुसार, तक्रारदार हे अहमदपूर येथील रहिवासी असून, शनिवारी (८ ऑगस्ट) कामानिमित्त पुण्यात आले होते. स्वारगेट परिसरात आल्यानंतर पुढील प्रवासासाठी त्यांनी कात्रज ते लोहगाव मार्गावरील पीएमपीएल बस पकडली.
बस प्रवाशांनी खचाखच भरलेली होती. बसमध्ये चढत असताना झालेल्या गर्दीचा फायदा घेत अज्ञात चोरट्यांनी त्यांच्या खिशातून ५० हजार रुपयांची रोकड हातचलाखीने काढून घेतली, असा संशय आहे. काही वेळाने खिशाला हात लावल्यानंतर पैसे गायब असल्याचे त्यांच्या लक्षात आले. त्यांनी परिसरात तसेच आजूबाजूला शोध घेतला; मात्र रोकड मिळाली नाही.
ऐन प्रवासात मोठी रक्कम चोरीला गेल्याचे लक्षात आल्यानंतर त्यांनी तातडीने स्वारगेट पोलीस ठाणे गाठून तक्रार दाखल केली. त्यानुसार पोलिसांनी अज्ञात चोरट्यांविरोधात गुन्हा दाखल केला आहे.
दरम्यान, पोलिसांकडून बसस्थानक परिसरातील तसेच संबंधित पीएमपीएल बस मार्गावरील सीसीटीव्ही फुटेज तपासण्यात येत आहे. गर्दीचा फायदा घेत प्रवाशांना लक्ष्य करणाऱ्या चोरट्यांचा शोध घेण्यासाठी स्वारगेट पोलिसांकडून तपास सुरू आहे.
शिक्रापूर (अक्षय टेमगिरे) : दिवाळी म्हटले की खरेदीसाठी बाजारपेठांमध्ये होणारी गर्दी आणि नगर-पुणे महामार्गावरील वाहतूक…
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…