मुंबई: मुंबईच्या महापौर Ritu Tawde यांनी शनिवारी Mumbai Marathi Granth Sangrahalaya येथे आयोजित ‘मुंबई शहर ग्रंथोत्सवा’ला भेट देत वाचन चळवळीच्या बळकटीसाठी आपण कटिबद्ध असल्याचे स्पष्ट केले. तसेच मनपाच्या ग्रंथालय शाखांच्या अनुदानवाढीसाठी पूर्ण सहकार्य देण्याचे आश्वासनही त्यांनी दिले.
या प्रसंगी त्यांच्या हस्ते मुंबईतील सार्वजनिक ग्रंथालयांमधील उत्कृष्ट अबालवृद्ध सभासदांचा प्रातिनिधिक सत्कार करण्यात आला. उपस्थित वाचकांशी संवाद साधताना महापौर तावडे म्हणाल्या की, “शालेय व महाविद्यालयीन विद्यार्थ्यांची मोठ्या संख्येने उपस्थिती पाहून आनंद झाला. वाचन संस्कृती टिकवून ठेवण्यासाठी आणि वाढवण्यासाठी ग्रंथसंग्रहालयांची भूमिका अत्यंत महत्त्वाची आहे.”
दुर्मिळ ग्रंथांचे जतन व संवर्धन करण्याची गरज अधोरेखित करत त्यांनी सांगितले की, “ग्रंथसंपदा ही समाजाची बौद्धिक संपत्ती आहे. तिचे संरक्षण आणि समृद्धी आवश्यक आहे.” तसेच मुंबई मराठी ग्रंथसंग्रहालयाद्वारे चालवल्या जाणाऱ्या मनपा ग्रंथालय शाखांच्या अनुदानवाढीसाठी दिलेल्या प्रस्तावाला आपण कायम पाठिंबा देऊ, असे त्यांनी स्पष्ट केले.
कार्यक्रमास भाषा संचालनालयाचे संचालक अरुण गिते, जिल्हा ग्रंथालय अधिकारी शशिकांत काकड, ग्रंथसंग्रहालयाचे प्रमुख कार्यवाह रवींद्र गावडे, कार्याध्यक्ष शीतल करदेकर आदी मान्यवर उपस्थित होते.यानंतर महापौर तावडे यांनी ग्रंथसंग्रहालयात भरविण्यात आलेल्या पुस्तक प्रदर्शनाला भेट देत समाधान व्यक्त केले. महाराष्ट्र शासनाच्या ‘शासकीय मुद्रण व लेखनसामग्री संचालनालय’च्या स्टॉलवरून त्यांनी ‘भारताचे संविधान (सुधारित २०२५)’ हा ग्रंथ खरेदी केला. “हा ग्रंथ सर्व नगरसेवकांकडे असायला हवा,” अशी सूचना त्यांनी यावेळी केली.
तसेच संदर्भ विभागात मांडण्यात आलेल्या दुर्मिळ ग्रंथांच्या प्रदर्शनालाही त्यांनी भेट दिली. ग्रंथसंग्रहालयात सुरू असलेल्या डिजिटायझेशन (अंकीकरण) प्रकल्पाची पाहणी करून स्कॅनिंग प्रक्रियेची माहिती घेतली.या भेटीदरम्यान संदर्भ विभागाच्या ग्रंथपाल मिताली तरळ, कार्यवाह उमा नाबर, जयवंत गोलतकर, विनायक परब यांसह अनेक पदाधिकारी, सदस्य आणि वाचक मोठ्या संख्येने उपस्थित होते.या धावत्या पण अभ्यासपूर्ण भेटीत महापौर रितू तावडे यांनी ग्रंथोत्सव व ग्रंथसंग्रहालयाच्या कार्याचे कौतुक करून शुभेच्छा दिल्या.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…