CET आयुक्त दिलीप सरदेसाई यांना राष्ट्रवादी काँग्रेस (शरदचंद्र पवार) पक्षाचे निवेदन; विद्यार्थ्यांना न्यायाची मागणी
मुंबई: MHT-CET परीक्षेतील कथित अनियमितता आणि गैरप्रकारांच्या आरोपांची निष्पक्ष, पारदर्शक व सखोल चौकशी करण्याच्या मागणीसाठी आमदार रोहित पवार यांच्या नेतृत्वाखाली राष्ट्रवादी काँग्रेस (शरदचंद्र पवार) पक्षाच्या शिष्टमंडळाने CET सेलचे आयुक्त दिलीप सरदेसाई यांची भेट घेऊन निवेदन सादर केले.
शिष्टमंडळाने MHT-CET निकालांबाबत विद्यार्थ्यांमध्ये निर्माण झालेल्या शंका, काही परीक्षा केंद्रांबाबतचे आरोप, बारावी आणि CET गुणांतील संशयास्पद तफावत तसेच सोशल मीडियावर व्हायरल होत असलेल्या कथित ऑडिओ-व्हिडिओ क्लिप्सची स्वतंत्र चौकशी करण्याची मागणी केली. संबंधित परीक्षा केंद्रांवरील CCTV फुटेज, संगणकीय लॉग्स, सर्व्हर डेटा आणि इतर पुरावे सुरक्षित ठेवून तपास करण्याचीही मागणी करण्यात आली.
यावेळी आमदार रोहित पवार यांनी विद्यार्थ्यांच्या भविष्याशी तडजोड सहन केली जाणार नसल्याचे स्पष्ट करत परीक्षा प्रक्रियेतील सर्व शंकांचे पारदर्शकपणे निरसन करण्याची मागणी केली. तर पक्षाचे प्रदेश प्रवक्ते ॲड. अमोल मातेले यांनी, “कथित गैरप्रकारांची वेळेत निष्पक्ष चौकशी झाली नाही आणि गुणवंत विद्यार्थ्यांना न्याय मिळाला नाही, तर राष्ट्रवादी काँग्रेस (शरदचंद्र पवार) पक्ष विद्यार्थ्यांच्या न्यायासाठी रस्त्यावर उतरून तीव्र आंदोलन करेल,” असा इशारा दिला.
परीक्षा प्रक्रियेत कोणताही गैरप्रकार सिद्ध झाल्यास संबंधित परीक्षा केंद्रांचे व्यवस्थापन, अधिकारी, कर्मचारी आणि दलालांवर कठोर कायदेशीर कारवाई करण्याची मागणीही शिष्टमंडळाने आयुक्तांकडे केली.
अनेक वेळा रक्ताच्या कमतरतेमुळे थकवा येणे, अशक्तपणा, त्वचा पिवळी पडणे, हात-पाय सुजणे इत्यादी एनिमियाचे लक्षण…
फळं खाण्यापेक्षा फळांचा रस पिणं हे जास्त आरोग्यदायी आहे. फळांचा रस घेतल्यानं वजन कमी होतं.…
शीतपित्ताच्या त्रासात अंगावर खाज सुटते व त्वचेवर पित्ताच्या लालसर गांधी व पुरळ उठतात. त्या पित्ताच्या…
‘वोट बचाओ, देश बचाओ’ महारॅलीचा भाजपाने घेतला धसका; मोदी-शाहांच्या सत्तेला हादरे बसत असल्याचा काँग्रेस प्रदेशाध्यक्षांचा…
सुनेत्रा पवारांना डावलल्याच्या बातम्या फेटाळल्या! मुंबई: राष्ट्रवादी काँग्रेस पक्षातील अंतर्गत मतभेद आणि नेतृत्वातील समन्वयाच्या चर्चांना…
मुंबई : विद्यार्थ्यांना दर्जेदार शैक्षणिक सुविधा आणि सुरक्षित निवासव्यवस्था उपलब्ध करून देण्यासाठी महाविद्यालयातील विकासकामांना गती…