महाराष्ट्र

नेहरू जयंतीनिमित्त काँग्रेसच्या कविता स्पर्धेला उत्स्फूर्त प्रतिसाद; रामबंधु अढांगळे प्रथम क्रमांकाचे मानकरी

मुंबई: स्वतंत्र भारताचे पहिले पंतप्रधान पंडित जवाहरलाल नेहरू यांच्या जयंतीनिमित्त आणि दीपावलीच्या मंगल पर्वाचे औचित्य साधून महाराष्ट्र प्रदेश काँग्रेस कमिटीच्या वतीने आयोजित भव्य कविता स्पर्धेला स्पर्धकांचा उत्स्फूर्त प्रतिसाद मिळाला. मुंबईतील टिळक भवन येथे पार पडलेल्या या काव्यसोहळ्यात कवी, काव्यरसिक, काँग्रेसचे पदाधिकारी आणि कार्यकर्ते मोठ्या संख्येने सहभागी झाले होते. विचार, शब्द आणि भावनांचा संगम घडवणाऱ्या या उपक्रमामुळे टिळक भवनमध्ये काव्यमय वातावरण निर्माण झाले.

महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी कार्यक्रमाचे अध्यक्षस्थान भूषविले. त्यांनी स्वतः कविता सादर करून स्पर्धेचे उद्घाटन केले. त्यांच्या काव्यात्मक सहभागामुळे कार्यक्रमाला विशेष रंगत आली. यावेळी प्रदेश काँग्रेसचे उपाध्यक्ष राजन भोसले, रमेश शेट्टी, प्रदेश सरचिटणीस शाह आलम, नामदेव चव्हाण आणि डॉ. निमिष साने यांची प्रमुख उपस्थिती होती.

या स्पर्धेच्या यशस्वी आयोजनासाठी प्रदेश सरचिटणीस ॲड. संदेश कोंडविलकर यांनी विशेष पुढाकार घेतला. मुंबई काँग्रेसचे सचिव प्रशांत धुमाळ यांनी आयोजनाची जबाबदारी सांभाळली. तसेच मुंबई काँग्रेसचे उपाध्यक्ष भूषण पाटील, मुंबई युवक काँग्रेसच्या अध्यक्षा झीनत शबरीन, मुंबई काँग्रेसचे माजी सहखजिनदार अतुल बर्वे, राघवेंद्र शुक्ला आणि सुभाष पाखरे यांनी मोलाचे सहकार्य केले.

रामबंधु अढांगळे प्रथम, उमेश जाधव द्वितीय

स्पर्धेतील उत्कृष्ट काव्यरचनांची निवड पत्रकार गुरुप्रसाद जाधव आणि प्राध्यापिका मनीषा रावराणे यांनी परीक्षक म्हणून केली. स्पर्धेत रामबंधु खंडू अढांगळे यांनी प्रथम क्रमांक पटकावला, तर उमेश जाधव यांनी द्वितीय आणि कौस्तुभ शैलेश गोसावी यांनी तृतीय क्रमांक मिळविला. प्रणय चव्हाण आणि वैष्णवी सावळे यांना उत्तेजनार्थ पारितोषिक देऊन गौरविण्यात आले.

कवितेच्या माध्यमातून विचारांची अभिव्यक्ती, सामाजिक जाणिवा आणि साहित्यिक प्रतिभेला व्यासपीठ उपलब्ध करून देणारा हा उपक्रम उत्साहात पार पडला.

शिरूर तालुका टीम

Recent Posts

महाराष्ट्रातील ११ अभ्यासक्रमांसाठी दोन वेळा सीईटीची संधी

जानेवारीपासून परीक्षांना सुरुवात; पीजीडीएम, पीजीसीएम आणि जीएनएमसाठी प्रथमच सीईटी मुंबई: महाराष्ट्र राज्य सामाईक प्रवेश परीक्षा…

39 मिनिटे ago

दुष्काळात एकही पात्र कुटुंब रोजगारापासून वंचित राहू नये; भरत गोगावले यांचे निर्देश

रोहयो आणि ‘व्हीबी जी राम जी’च्या कामांना गती द्या; जलसंधारण, चारा उपलब्धता आणि प्रलंबित देयकांवर…

43 मिनिटे ago

अजितदादांची अपूर्ण स्वप्ने पूर्ण करण्यासाठी खंबीरपणे विकासाचा वारसा पुढे नेणार; सुनेत्रा पवार

अमित शाह यांच्या हस्ते अजितदादांच्या अर्धाकृती पुतळ्याचे अनावरण; पुणे जिल्हा परिषद प्रवेशद्वाराला अजितदादांचे नाव पुणे: “मी…

48 मिनिटे ago

राज्यात गुंडाराज, अमित शाह अन् फडणवीस पुण्यात काय फुगड्या घालत आहेत; हर्षवर्धन सपकाळ

मुंबई: राज्यातील कायदा व सुव्यवस्था पूर्णपणे ढासळली असून माफिया आणि गुंडांकडून खुलेआम धमक्या दिल्या जात…

55 मिनिटे ago

२८ जानेवारी महाराष्ट्रासाठी काळा दिवस! पुतळ्यात अजितदादांचे कार्य मावणार नाही; उपमुख्यमंत्री एकनाथ शिंदे u

पुणे जिल्हा परिषदेत अजित पवार यांच्या अर्धाकृती पुतळ्याचे अनावरण; अमित शहा, देवेंद्र फडणवीस, सुनेत्रा पवार…

2 तास ago

शेतातील डीपी चोरणाऱ्या टोळीचा शिक्रापूर पोलिसांकडून पर्दाफाश; पाच जणांना अटक

आठ ठिकाणी चोरीची कबुली; १७० किलो तांब्याच्या तारा जप्त, २ लाख २९ हजारांचा मुद्देमाल हस्तगत…

2 तास ago