रायगड: छत्रपती शिवाजी महाराजांच्या ३५३ व्या शिवराज्याभिषेक सोहळ्यानंतर रायगडावरून महाडकडे परतत असताना उपमुख्यमंत्री एकनाथ शिंदे यांनी अपघातग्रस्त बाईकस्वारांच्या मदतीसाठी तत्काळ आपला शासकीय ताफा थांबवून संवेदनशीलतेचे दर्शन घडवले.
रायगड किल्ल्यावरचा कार्यक्रम आटोपल्यानंतर शिंदे महाडकडे रवाना झाले होते. महाड-पाचाड मार्गावरील निर्जन रस्त्यावर एका दुचाकीचा रस्त्याच्या कडेला साचलेल्या मातीमुळे घसरून अपघात झाल्याचे त्यांच्या निदर्शनास आले. क्षणाचाही विलंब न करता त्यांनी ताफा थांबवून अधिकाऱ्यांना जखमींची विचारपूस करण्याचे निर्देश दिले.
त्यानंतर शिंदे स्वतः वाहनातून उतरून जखमी बाईकस्वार आणि त्याच्या मागे बसलेल्या तरुणाची आस्थेने चौकशी केली. दोघांना पाणी देण्यात आले तसेच ते कोणत्या गावचे आहेत, याची माहिती घेतली. दोघांनीही हेल्मेट परिधान केले असल्याने गंभीर दुखापत टळली होती. मात्र, मागे बसलेल्या तरुणाच्या पायाला दुखापत झाल्याचे लक्षात येताच शिंदे यांनी ताफ्यातील रुग्णवाहिका घटनास्थळी बोलावली.
दोन्ही जखमींना तातडीने नजीकच्या रुग्णालयात दाखल करण्याचे निर्देश देत, त्यांच्या उपचारांची माहिती स्वतःला फोनवर कळविण्याच्या सूचनाही त्यांनी कार्यकर्त्यांना दिल्या. जखमींची योग्य व्यवस्था झाल्याची खात्री करूनच ते पुढील नियोजित कार्यक्रमासाठी रवाना झाले.सामान्य नागरिकांच्या अडचणीच्या वेळी तत्काळ मदतीला धावून जाण्याची उपमुख्यमंत्री एकनाथ शिंदे यांची कार्यपद्धती पुन्हा एकदा या घटनेतून दिसून आली.
पाबळ (सुनिल जिते): गेल्या अनेक दिवसांपासून पावसाच्या प्रतीक्षेत असलेल्या कान्हूर मेसाई परिसरात रविवारी दुपारनंतर जोरदार…
मुंबई: शिवसेना महिला सेनेने शिवसेना (उद्धव बाळासाहेब ठाकरे) पक्षाचे खासदार संजय राऊत यांच्याविरोधात मुंबई पोलीस…
पुणे: छत्रपती शाहू महाराज संशोधन, प्रशिक्षण व मानव विकास संस्था (सारथी) ही केवळ शासकीय योजना…
शिरुर (तेजस फडके) सध्या शिरुर कृषी उत्पन्न बाजार समितीच्या निवडणुकीची रणधुमाळी चालु असुन एका बैठकीदरम्यान…
मुंबई: टीईटी परीक्षेच्या पेपरफुटीची घटना अत्यंत गंभीर आणि संतापजनक असून, या प्रकरणातील मुख्य सूत्रधार व…
शिक्रापुर (ओमकार भोरडे) पुणे-अहिल्यानगर महामार्गावरील सणसवाडी चौक ते एमआयडीसी फाटा दरम्यान एका प्रवाशाला रिक्षातुन प्रवास…