भारत-व्हिएतनाम संबंध अधिक दृढ करण्यासाठी महाराष्ट्र कटिबद्ध : मुख्यमंत्री देवेंद्र फडणवीस

मुंबई: भारत आणि व्हिएतनाम यांच्यातील सांस्कृतिक, आर्थिक आणि व्यावसायिक संबंध अधिक बळकट करण्यासाठी महाराष्ट्र सरकार कटिबद्ध असून, राज्य विश्वासार्ह भागीदार म्हणून कार्य करण्यास सज्ज असल्याचे मुख्यमंत्री Devendra Fadnavis यांनी सांगितले.

व्हिएतनामचे राष्ट्राध्यक्ष To Lam यांच्या एकदिवसीय मुंबई दौऱ्यानिमित्त आयोजित इंडिया-व्हिएतनाम बिझनेस फोरममध्ये मुख्यमंत्री बोलत होते. यावेळी त्यांनी व्हिएतनामी उद्योजकांना महाराष्ट्रात गुंतवणूक करण्याचे आवाहन केले.

मुख्यमंत्री फडणवीस यांनी भारत-व्हिएतनाम ‘एन्हान्स्ड कॉम्प्रेहेन्सिव्ह स्ट्रॅटेजिक पार्टनरशिप’ नव्या उंचीवर नेल्याबद्दल पंतप्रधान Narendra Modi आणि राष्ट्राध्यक्ष तो लाम यांचे अभिनंदन केले.

महाराष्ट्राच्या बौद्ध वारशाचा उल्लेख करताना त्यांनी B. R. Ambedkar यांनी नागपुरात स्वीकारलेल्या बौद्ध धर्मामुळे आधुनिक काळात या वारशाला नवे अधिष्ठान मिळाल्याचे सांगितले. तसेच Ajanta Caves आणि Ellora Caves येथील जागतिक वारसा स्थळांना भेट देण्यासाठी व्हिएतनामी गुंतवणूकदारांचे स्वागत केले.

छत्रपती संभाजीनगर आणि हो चि मिन्ह सिटी यांच्यात थेट हवाई सेवा सुरू करण्याबरोबरच स्वतंत्र बौद्ध पर्यटन सर्किट विकसित करण्याचा प्रस्तावही त्यांनी मांडला.

मुंबई आणि हो चि मिन्ह सिटी यांच्यातील साम्य अधोरेखित करत मुख्यमंत्र्यांनी दोन्ही शहरांदरम्यान झालेल्या कराराचे स्वागत केले. तसेच व्हिएतनामच्या विनग्रूप कंपनीच्या महाराष्ट्रातील 6.5 अब्ज अमेरिकी डॉलर्सच्या प्रस्तावित गुंतवणूक कराराचे स्वागत करत, हा दक्षिण-पूर्व आशियातून झालेला सर्वात मोठा करार असल्याचे त्यांनी नमूद केले.

मुंबई, नवी मुंबई, छत्रपती संभाजीनगर, पुणे, नागपूर आणि गडचिरोलीमधील औद्योगिक संधींचा उल्लेख करत उद्योग, ऊर्जा, औषधनिर्माण, माहिती तंत्रज्ञान आणि पर्यटन क्षेत्रात गुंतवणुकीचे आवाहन त्यांनी केले. मुंबई आणि पुणे येथील औषधनिर्माण क्षेत्र जागतिक दर्जाचे असून व्हिएतनामला परवडणारी जेनेरिक औषधे आणि लसी पुरविण्याची महाराष्ट्राची क्षमता असल्याचेही त्यांनी सांगितले.

दरवर्षी मुंबई आणि हो चि मिन्ह सिटी येथे आळीपाळीने महाराष्ट्र-व्हिएतनाम व्यावसायिक परिषद आयोजित करण्याचा प्रस्तावही मुख्यमंत्र्यांनी मांडला.

दरम्यान, राष्ट्राध्यक्ष तो लाम यांनी भारत-व्हिएतनाम आर्थिक भागीदारी अधिक मजबूत करण्यासाठी उद्योग, तंत्रज्ञान, पायाभूत सुविधा आणि व्यापार क्षेत्रात दोन्ही देशांनी एकत्रितपणे पुढाकार घेण्याची गरज व्यक्त केली.

मुंबई हे भारताचे प्रमुख आर्थिक आणि औद्योगिक केंद्र असून, येथे आयोजित फोरम भारत-व्हिएतनाम संबंधांना नवी दिशा देणारा असल्याचे त्यांनी सांगितले. इलेक्ट्रिक वाहने, ऊर्जा, तंत्रज्ञान सेवा, पायाभूत सुविधा आणि उत्पादन क्षेत्रात दोन्ही देशांमध्ये सहकार्याच्या मोठ्या संधी असल्याचे त्यांनी नमूद केले.

व्यापार सुलभीकरण, लॉजिस्टिक कनेक्टिव्हिटी, कौशल्य विकास आणि गुंतवणूक प्रक्रियेत सुलभता आणण्यावर भर देण्यात येणार असल्याचेही राष्ट्राध्यक्ष तो लाम यांनी स्पष्ट केले.यावेळी मुख्यमंत्री देवेंद्र फडणवीस आणि राष्ट्राध्यक्ष तो लाम यांच्या उपस्थितीत विविध उद्योग क्षेत्रांमध्ये सामंजस्य करारांवर स्वाक्षऱ्या करण्यात आल्या.