न्हावरे (अक्षय टेमगिरे) मांडवगण फराटा (ता. शिरुर) दारु पिण्यासाठी पैसे देण्यास नकार दिल्याच्या कारणावरुन ७२ वर्षीय ज्येष्ठ व्यक्तीला हाताने तसेच लाकडी दांडक्याने बेदम मारहाण करत शिवीगाळ, दमदाटी करुन जीवे मारण्याची धमकी दिल्याची घटना घडली आहे. याप्रकरणी सागर विश्वास गव्हाणे (रा. मांडवगण फराटा, ता. शिरुर, जि. पुणे) याच्याविरोधात पोलिसांत तक्रार दाखल करण्यात आली आहे.
शिरुर पोलिसांनी दिलेल्या माहितीनुसार, देवराम श्रीपती इथापे (वय ७२, रा. मांडवगण फराटा, ता.शिरुर, जि.पुणे) यांनी याबाबत फिर्याद दिली असून गुरुवार (दि ६) रोजी दुपारी ४:१५ च्या सुमारास मांडवगण फराटा येथील वाघेश्वर मंदिराजवळ हि घटना घडली आहे.
आरोपीने फिर्यादीकडे दारु पिण्यासाठी पैशांची मागणी केली. मात्र, इथापे यांनी पैसे देण्यास नकार दिल्यानंतर आरोपीने त्यांना प्रथम हाताने मारहाण केली. त्यानंतर घटनास्थळी पडलेले लाकडी दांडके हातात घेऊन त्यांच्या तोंडावर, पाठीवर तसेच पायावर मारहाण केली.
या मारहाणीनंतर आरोपीने शिवीगाळ व दमदाटी करत जीवे मारण्याची धमकी दिल्याचेही तक्रारीत म्हटले आहे. या घटनेनंतर इथापे यांनी पोलिसांकडे धाव घेत तक्रार नोंदवली. या प्रकरणाचा पुढील तपास पोलीस अंमलदार कदम करीत आहेत.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…