‘आपले राष्ट्र, आपला स्वाभिमान’; शक्तिशाली भारतासाठी प्रत्येक नागरिकाने जबाबदारी स्वीकारण्याचे आवाहन

एकता, कर्तव्य, युवाशक्ती आणि राष्ट्रहिताच्या भावनेतून विकसित भारत घडविण्याचा संदेश

मुंबई: भारत हा केवळ भौगोलिक सीमा आणि भूभागांचा देश नसून तो संस्कृती, परंपरा, शौर्य, कष्ट आणि कोट्यवधी भारतीयांच्या स्वप्नांचा संगम असल्याचे प्रतिपादन “आपले राष्ट्र, आपला स्वाभिमान” या लेखातून करण्यात आले आहे. विकसित आणि शक्तिशाली भारत घडविण्यासाठी प्रत्येक नागरिकाने आपल्या जबाबदाऱ्यांची जाणीव ठेवून राष्ट्रहिताला प्राधान्य द्यावे, असा संदेश या लेखातून देण्यात आला आहे.

भारत विज्ञान, तंत्रज्ञान, संरक्षण, उद्योग, अवकाश संशोधन आणि डिजिटल प्रगतीच्या क्षेत्रात वेगाने वाटचाल करत असल्याचे नमूद करण्यात आले आहे. मात्र, केवळ सरकारी योजना पुरेशा नसून प्रत्येक भारतीयाने “भारताची प्रगती म्हणजे माझी प्रगती” ही भावना मनात बाळगून राष्ट्रनिर्मितीत योगदान देणे आवश्यक आहे.

सार्वजनिक स्वच्छता, पर्यावरण संवर्धन, सार्वजनिक मालमत्तेचे संरक्षण, कायद्याचा सन्मान आणि सामाजिक सलोखा जपणे या प्रत्येक नागरिकाच्या दैनंदिन कृतीच मजबूत राष्ट्राचा पाया ठरतात, असे लेखात म्हटले आहे. तसेच, भारताची विविधता हीच त्याची खरी ताकद असून मतभेद असले तरी मनभेद नसावेत, असे आवाहन करण्यात आले आहे.युवकांनी शिक्षण, संशोधन, नवकल्पना आणि उद्योग क्षेत्रात योगदान देत देशाच्या प्रगतीत सक्रिय भूमिका बजावावी, तर ज्येष्ठांच्या अनुभवाचा लाभ नव्या पिढीला मिळणेही तितकेच महत्त्वाचे आहे.

भारताला जगातील अग्रगण्य राष्ट्र बनविण्याचा प्रवास हा केवळ सरकारचा नसून प्रत्येक भारतीयाचा असल्याचे सांगत “आपले राष्ट्र, आपला स्वाभिमान” आणि “एकता आपली ताकद, ज्ञान आपली शक्ती आणि राष्ट्रहित आपली दिशा” हा संदेश देण्यात आला आहे.