मुंबई: विक्रोळीतील टागोर नगर परिसरातील तक्षशील बुद्ध विहार येथे 49, स्वस्तिक एमराल्ड जयंतीउत्सव समिती, भारतीय बौद्ध महासभा विक्रोळी शाखा आणि तक्षशील बुद्ध विहार यांच्या संयुक्त विद्यमाने अवयवदान जनजागृतीपर कार्यक्रम उत्साहात पार पडला. शिवराज्याभिषेक दिनाचे औचित्य साधून आयोजित करण्यात आलेल्या या उपक्रमात अवयवदानाचे महत्त्व, नेत्रदानाची प्रक्रिया आणि प्रत्यारोपण व्यवस्थेची माहिती उपस्थितांना देण्यात आली.
लाईव्ह बियॉन्ड लाईफ संस्थेचे मिलिंद कनगुटकर, नेत्ररोगतज्ज्ञ डॉ. कुरेश मस्कती आणि नायर रुग्णालयाचे अधिष्ठाता तथा मुंबई महापालिकेचे वैद्यकीय संचालक डॉ. शैलेश मोहिते यांनी मार्गदर्शन केले. डॉ. मोहिते यांनी राष्ट्रीय (NOTTO), राज्य (SOTTO), प्रादेशिक (ROTTO) तसेच विभागीय प्रत्यारोपण समन्वय केंद्रांच्या कार्यपद्धतीची माहिती दिली.
कार्यक्रमात विक्रोळी रुग्णालयाचे प्रमुख वैद्यकीय अधिकारी डॉ. जितेंद्र जाधव, सायन रुग्णालयाचे सह-अधिष्ठाता डॉ. अनिल मोरे, डॉ. सुरेंद्र तांबे, डॉ. चंद्रसेन कदम यांच्यासह अनेक मान्यवर उपस्थित होते. कार्यक्रमाचे सूत्रसंचालन ज्येष्ठ पत्रकार अनिल जाधव यांनी केले.
उपस्थित श्रोत्यांच्या प्रश्नांना तज्ज्ञांनी समाधानकारक उत्तरे दिली. कार्यक्रमाच्या शेवटी तीन श्रोत्यांनी अवयवदान संकल्पपत्र भरून अवयवदान चळवळीला प्रत्यक्ष पाठिंबा दिला. जनजागृती आणि सामाजिक बांधिलकीचा संदेश देणारा हा उपक्रम मोठ्या उत्साहात संपन्न झाला.
शिक्रापूर (अक्षय टेमगिरे): घराचे कुलूप तोडून सोन्याचे दागिने आणि रोख रकमेसह तब्बल ४ लाख २५…
शिरूर (तेजस फडके) : आगामी दिपावळी सणाच्या पार्श्वभूमीवर शिरुर शहरातील नागरिक, व्यापारी आणि सराफ व्यावसायिकांच्या…
मोदी-शाह यांनी काँग्रेस नेत्यांबद्दल वापरलेल्या भाषेची आठवण करून देत सपकाळांचा भाजपावर निशाणा मुंबई: काँग्रेसचे राष्ट्रीय अध्यक्ष…
दुष्काळग्रस्त शेतकऱ्यांच्या पाठीशी सरकार; हरसूलमध्ये १० हजार कुटुंबांना दिवाळी शिधावाटप नाशिक: राज्यातील दुष्काळग्रस्त शेतकऱ्यांकडून सक्तीने…
उपमुख्यमंत्री एकनाथ शिंदे यांचा प्रशासनाला इशारा; नाशिक कुंभमेळ्याच्या तयारीचाही घेतला आढावा नाशिक : राज्यातील दुष्काळी…
गंगापूर रस्त्याचे भूमिपूजन; अभियांत्रिकी महाविद्यालयाच्या नवीन वसतिगृहाचे उद्घाटन नाशिक: पायाभूत सुविधा आणि शिक्षण क्षेत्रातील विकासकामांच्या माध्यमातून…