कोब्रासोबत मस्ती करतानाचा स्टंट तरुणाला पडला भारी…

कर्नाटक: साप असं जरी नावही ऐकलं तर बहुतेकांना घाम फुटतो. पण असे काही लोकही आहेत, ज्यांना साप म्हणजे एखादं खेळणंच वाटत. काही लोक सापासोबत मस्ती करताना, त्यांच्याशी जीवघेणे खेळ खेळताना दिसतात. मात्र हा खेळ अनेकदा त्यांच्या अंगलटही येतो. आजवर असे अनेक व्हिडीओ तुम्ही पाहिले असतील.

सध्या असाच एक व्हिडीओ सोशल मीडियावर व्हायरल होत आहे. या व्हिडीओत मस्ती करणाऱ्या एका तरुणाला सापाने चांगलाच धडा शिकवला आहे. सोशल मीडियावर व्हायरल झालेला हा व्हिडीओ कर्नाटकातील आहे. या व्हिडीओत एक व्यक्ती जीवाची पर्वा न करता कोब्राबरोबर स्टंट करत आहे. या तिन्ही सापांना तो वारंवार डिवचण्याचा प्रयत्न करतोय. यातील एका सापाने या तरुणाला अशा ठिकाणी चावा घेतला, ज्यामुळे या तरुणाची बोलतीच बंद झाली. आपल्यासोबत असं काही होईल याचा स्वप्नातही या तरुणाने विचार केला नसेल.

या व्हिडीओत हा तरुण सापाची शेपटी हातात धरुन आपले करतब दाखवतो आहे. त्याचवेळी एक साप या तरुणावर अचानक हल्ला करतो. सापाने अचानक हल्ला केल्याने या तरुणाच्या पायाखालची जमीनच सरकते. कशीबशी तो सापाच्या तावडीतून आपली सुटका करण्याचा प्रयत्न करतो. मात्र, सापाने त्याच्या पायाला चावा घेतो.

दरम्यान, साप चावल्यानंतर या तरुणाला कर्नाटकातील खासगी रुग्णालयात दाखल करण्यात आल्याची माहिती आहे. या तरुणाची प्रकृती गंभीर असल्याचं डॉक्टरांकडून सांगण्यात आलं आहे. सध्याच्या तरुणाईमध्ये स्टंटची क्रेज वाढलेली दिसले. सोशल मीडियावर फॉलोअर्स वाढवण्यासाठी अनेकजण जीवघेणे स्टंट करतात. मात्र, वन्यप्राण्यांसोबत स्टंट करणे कायद्याने गुन्हा आहे. त्यातच तुमचा जीव धोक्यात येण्याची देखील शक्यता असते. त्यामुळे अशा प्रकारचे स्टंट करु नका.