Video: भला मोठा लांब किंग कोब्रा आणि अजगराची झुंज…

snake-cobra

नवी दिल्ली : दोन धोकादायक सापांमधील भांडणाचा एक भयानक अंगावर काटा आणणारा व्हिडिओ समोर आला आहे. संबंधित व्हिडिओ सोशल मीडियावर व्हायरल होत आहे. व्हिडिओमध्ये एक अजगर साप किंग कोब्रा सापाला घट्ट पकडून बसतो, हे दाखवण्यात आले आहे. तो कोब्राला अगदी घट्ट आवळून ठेवतो. त्याचवेळी किंग कोब्राही अजगर सापावर हल्ला करतो. तो अजगराला आपल्या जबड्यात दाबण्याचा प्रयत्न करतो.

हा व्हिडिओ @snake__videos नावाच्या युजरने ‘Instagram’ या सोशल मीडिया साइटवर शेअर केला आहे. व्हिडिओमधील किंग कोब्राची लांबी पाहून अनेकजण थक्क झाले आहेत. संबंधित व्हिडिओ अनेकांनी शेअरही केला आहे. व्हिडिओला मिळणाऱ्या लाईक्स, व्ह्यूज आणि शेअरची संख्या सातत्याने वाढत आहे.

अजगर आणि किंग कोब्रा यांच्यात जोरदार झुंज सुरू असल्याचे व्हिडिओमध्ये दिसत आहे. अजगर सापाने किंग कोब्राच्या गळ्याभोवती घट्ट गुंडाळलेले दिसते. मात्र, किंग कोब्राने सुद्धा अजगराचे शरीर जबड्यात धरले आहे. यादरम्यान दोन्ही साप एकमेकांशी भांडताना दिसतात. व्हिडिओ धडकी भरवणारा असून, @snake__videos ने ‘अजगराने किंग कोब्राचा गळा घोटला’ या शीर्षकासह शेअर करण्यात आला आहे.

नेटिझन्सनी व्हिडिओवर कमेंट्सही केल्या आहेत. एका यूजरने कमेंट केली की, ‘किंग कोब्राचा अजगराने गळा दाबल्याने मृत्यू झाला असेल किंवा मग किंग कोब्राच्या विषामुळे अजगराचा मृत्यू झाला असेल. एका युजरने लिहिले की, ‘याने मला माझ्या आधीच्या पत्नीची आठवण करून दिली.’ एका इंस्टाग्राम युजरने आश्चर्य व्यक्त करत लिहिले की ‘किंग कोब्राची लांबी पाहा’. एका व्यक्तीने पोस्ट केले की, ‘मला वाटतं की लढाईच्या शेवटी दोन्ही सापांचा मृत्यू झाला असावा.’

Video: टाकीचा नळ तुटला अन् युवकाने केला भन्नाट जुगाड…

Video: एटीएम कार्ड नसले तरी काढता येणार पैसे; कसे ते पाहा…

Video: फणा काढलेल्या कोब्रासोबत गाईने काय केले पाहा…

Video! किंग कोब्राने घेतला लगेचच बदला…

Video: नवा खिलारी बैल सापडला मगरींच्या तावडीत; चार तास थरार…

शिरूर तालुका टीम