नवी दिल्ली : जगात प्राण्यांच्या अनेक प्रजाती आहेत. यातील एक प्रजाती कोब्रा सापाची आहे, जी सर्व सापांमध्ये अत्यंत विषारी समजली जाते. वाटेत एखादा कोब्रा साप दिसला, तरी कोणालाही घाम फुटणं स्वाभाविकच आहे.
कोब्रा हा अतिशय विषारी साप आहे आणि तो चावल्यास माणसाचा जीवही जाऊ शकतो. मात्र, तरीही काही जण न घाबरता या सापाला अगदी सहज पकडतात किंवा त्याच्यासोबत खेळताना दिसतात. पण, हे चुकीचे आहे. एकाने असाच काहीसा करण्याचा प्रयत्न केला. सोशल मीडियावर या घटनेचा व्हिडिओ व्हायरल होत आहे.
एका रस्त्यावर कोब्रा फणा काढून उभा आहे. त्याच्या समोर दोन जण गाडीतून उतरत उभे आहेत. त्यापैकी एकाच्या हातात रायफल आहे. त्या शस्त्राच्या साहाय्याने तो दोनदा सापावर गोळीबार करतो. पण, सापाला गोळी लागत नाही. यामुळे संतापलेल्या कोब्राने दोन्ही जणांवर हल्ला करण्याचा प्रयत्न केला. त्यानंतर दोघही घाबरून ओरडताना दिसतात आणि इथेच हा व्हिडिओ संपतो.
संबंधित व्हिडिओ अवघा 10 सेकंदांचा आहे. Instant Karma नावाच्या सोशल मीडिया हँडलवरून हा व्हिडिओ शेअर करण्यात आला आहे. यामध्ये दिसणारे दृश्य अंगावर काटा आणणारे आहे. व्हिडिओ शेअर करताना कॅप्शनमध्ये लिहिले आहे- कोब्रासोबत लढताना बंदुकीचा काही उपयोग नाही!
Don’t bring a gun to a cobra fight! ???? pic.twitter.com/qGshAWdjHu
— Instant Karma (@Instantregretss) December 16, 2022
