गुनाट येथे आज पासुन अखंड हरीनाम सप्ताह

शिंदोडी (तेजस फडके) गुनाट (ता. शिरुर) येथे आज बुधवार (दि 20) डिसेंबर ते 27 दरम्यान अखंड हरीनाम सप्ताह आणि ज्ञानेश्वरी पारायण सोहळ्याचे आयोजन करण्यात आले आहे. या सप्ताह दरम्यान अखंड विना नामस्मरण, काकडा भजन, ज्ञानेश्वरी पारायण, प्रवचन, हरिपाठ, कीर्तन आणि जागर अशा विविध धार्मिक कार्यक्रमांचे आयोजन करण्यात आल्याची माहिती ग्रामस्थांनी दिली.

या अखंड हरीनाम सप्ताहात ह भ प शुभम महाराज देशमुख (वडगाव रासाई), संतोष महाराज बढेकर (धामणी), गणेश महाराज फरताळे (वढू बुद्रुक), विकास महाराज देवडे (कर्जत), नामदेव महाराज साठे (नागरगाव), चंद्रकांत महाराज खळेकर (राहुरी), अक्रूर महाराज साखरे (गेवराई) या महाराष्ट्रातील नामांकित किर्तनकारांची किर्तनसेवा आयोजित केली असुन ह भ प पुंडलिक महाराज नागवडे (गुनाट) यांच्या काल्याच्या कीर्तनाने या सप्ताहाची सांगता होणार आहे.