शिक्रापुरात आढळला अनोळखी व्यक्तीचा मृतदेह

शिक्रापूर (शेरखान शेख): शिक्रापूर (ता. शिरुर) येथील शरद बँकेजवळ एका अनोळखी व्यक्तीचा मृतदेह आढळून आल्याची घटना घडली असल्याने शिक्रापूर पोलीस स्टेशन येथे आकस्मात मृत्यूची नोंद करण्यात आल्याची माहिती शिक्रापूर पोलिसांनी दिली आहे.

शिक्रापूर (ता. शिरुर) येथील चाकण चौक परिसरात असलेल्या शरद बँकेजवळ काही नागरिक आलेले असताना त्यांना एक व्यक्ती मृत अवस्थेत पडला असल्याचे दिसून आले. याबाबत म्शिती मिळताच पोलीस नाईक रोहिदास पारखे, स्वप्नील गांडेकर यांनी सदर ठिकाणी जाऊन पंचनामा केला असता तेथे मृत व्यक्ती त्याचे अंदाजे ३५ ते 40 वर्षे, रंगाने सावळा, अंगात निळ्या रंगाचा शर्ट व त्यावर काळ्या रंगाचे जर्किन व निळ्या रंगाची प्यांट तसेच त्याच्या हातावर निळ्या रंगाने N व त्यावर आडवी रेषा ओढलेली असे गोंधन असल्याचे आढळून आले मात्र व्यक्तीबाबत काहीही माहिती मिळू शकली नाही.

याबाबत सुनील काशीराम पटेलवाड (वय २०) रा. पाटवस्ती शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी आकस्मात मृत्यूची नोंद केली असून सदर व्यक्तीबाबत कोणालाही काही माहिती असल्यास शिक्रापूर पोलिसांनी केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली सहाय्यक पोलीस उपनिरीक्षक राजेंद्र बनकर हे करत आहे.