शिक्रापूर ग्रामपंचायतच्या वाचनालयास आध्यात्मिक ग्रंथांचा संच भेट

शिक्रापूर: शिक्रापूर (ता. शिरुर) येथील ग्रामपंचायत अंतर्गत असलेल्या श्री भैरवनाथ मोफत वाचनालय येथे शिक्रापूर व परिसरातील नागरिकांमध्ये वाचन चळवळ वाढावी तसेच सर्वांचा सहभाग वाढावा यासाठी आवश्यक असणारी पुस्तके ग्रंथालयास भेट देण्याचे आवाहन ग्रंथपाल संतोष काळे यांनी केले असताना युवा उद्योजक ऋषिकेश केवटे याने त्याच्या वडिलांच्या पुण्यस्मरणानिमित्त ग्रंथालयास अध्यात्मिक ग्रंथांचा संच भेट दिला आहे.

शिक्रापूर (ता. शिरुर) येथील ग्रामपंचायतच्या ग्रंथालयास पुस्तके, ग्रंथ भेट देण्याचे आवाहन करण्यात आलेले असताना युवा उद्योजक ऋषिकेश केवटे याने त्याचे वडील कै. भाऊसाहेब नारायण केवटे यांच्या द्वितीय पुण्यस्मरण निमित्त ग्रंथालयास अध्यात्मिक ग्रंथांचा मोठा संच वाचनालयास भेट दिला आहे.

याप्रसंगी शिक्रापूरचे सरपंच रमेश गडदे, ग्रामविकास अधिकारी शिवाजी शिंदे, ग्रंथपाल संतोष काळे, समता परिषद पश्चिम महाराष्ट्र अध्यक्ष सोमनाथ भुजबळ, माजी ग्रामपंचायत सदस्य रमेश भुजबळ, ग्रामपंचायत सदस्य उषा राऊत, सामाजिक कार्यकर्ते तानाजी राऊत, पोपटराव गायकवाड यांसह आदी पदाधिकारी उपस्थित होते, यावेळी ग्रंथपाल संतोष काळे यांनी सर्वांचे आभार मानले.