शिरुर तालुक्यातील सर्व प्रवर्ग दिव्यांगासाठी महाराजस्व अभियान राबवणार; बाळासाहेब म्हस्के

शिरुर (अरुणकुमार मोटे) शिरुर तालुक्यातील सर्व प्रवर्गातील दिव्यांगासाठी महाराजस्व अभियान अंतर्गत समाधान शिबीर शुक्रवार (दि २) ऑगस्ट रोजी शिरुर येथे सकाळी ११:०० वा घेण्यात येणार असल्याची माहीती शिरुरचे तहसिलदार बाळासाहेब म्हस्के यांनी दिली आहे.

 

दिव्यांगासाठी आरोग्य विभाग, आधार कार्ड काढणे,सेतु मधील सर्व प्रकारचे दाखले, मतदार नोंदणी, संजय गांधी योजनेचा लाभ, पंचायत समितीमार्फत ५ % अंपग निधी, समाजकल्याणमार्फत दिल्या जाणाऱ्या विविध योजना इत्यादी लाभ गरजुंना या शिबिरामध्ये देण्यात येणार असल्याचे अव्वल कारकुन निलेश खोडसकर यांनी सांगितले आहे.

 

दिव्यांगासाठी महाराजस्व अभियाना अंतर्गत समाधान शिबीर हे नवीन मध्यवर्ती प्रशासकीय इमारत, शिरुर येथील तिसरा मजला येथे होणार आहे. या दिवशी शिरुर तालुक्यातील दिव्यांगासाठी असलेल्या योजनेचे लाभ दिव्यांगाना देण्यासाठी संबंधित विभागातील अधिकारी व कर्मचारी सर्व माहितीसह उपस्थित राहणार असुन या योजनांचा लाभ घेण्यासाठी शिरुर येथे उपस्थित राहण्याचे आवाहन तहसिलदार बाळासाहेब म्हस्के यांनी केले आहे.

शिरूर शहरात जुगार खेळणाऱ्यांवर ४ जणांवर गुन्हा दाखल; पाहा नावे

शिरुर येथे राष्ट्रवादीकडुन केंद्र सरकारच्या निषेधार्थ नायब तहसीलदारांना लेखी निवेदन

शिरुर तालुका डॉट कॉम; च्या बातमीचा प्रभाव; शिरुर न्यायालयाने केली नियमित बंदुकधारी पोलिसाची मागणी