करंदीत विहिरीत पडलेल्या बिबट्याच्या बछड्याला जीवदान

शिरुर वन विभाग व प्राणी मित्रांच्या प्रयत्नांना अखेर यश

शिक्रापूर: शिरुर तालुक्यातील अनेक ठिकाणी बिबट्या जेरबंद करण्यात शिरूर वन विभागाला यश आलेले असताना नुकतेच शिरुर तालुक्यातील एका ठिकाणी विहिरीत पडलेल्या बिबट्याच्या बिछडाला जीवदान देण्यात शिरूर वन विभाग व प्राणी मित्रांना यश आले आहे.

करंदी (ता. शिरुर) येथील कौडाळ मळा येथील अशोक पऱ्हाड हे आज दुपारच्या सुमारास शेतात गेले असता त्यांना विहिरीमध्ये एक बिबट्याचा बछडा पडल्याचे दिसून आले. याबाबतची माहिती शिरुर वनविभागाचे वनपरिक्षेत्र अधिकारी मनोहर म्हसेकर यांना मिळतात वनरक्षक बबन दहातोंडे, वनमजूर आनंदा हरगुडे, पोलीस पाटील वंदना साबळे पाटील, इंडिया बुक ऑफ रेकॉर्डचे सर्पमित्र शेरखान शेख, अमोल कुसाळकर, गणेश टिळेकर, वैभव निकाळजे, श्रीकांत नायकोडी यांनी सदर ठिकाणी धाव घेत विहिरीची पाहणी करत इंडिया बुक ऑफ रेकॉर्डचे सर्पमित्र शेरखान शेख यांनी शिताफीने विहिरीमध्ये पडलेल्या पाण्यातून वर काढले.

यावेळी सरपंच सोनाली ढोकले, उपसरपंच पांडुरंग ढोकले, राजाभाऊ ढोकले, ग्रामपंचायत सदस्य नितीन ढोकले, संदीप ढोकले, माजी उपसरपंच लहू दरेकर, चिमाजी साबळे पाटील, भाऊसाहेब ढोकले, योगेश ढोकले, संतोष दरेकर, उत्तम पऱ्हाड, भरत पऱ्हाड, संजय राका, राजेंद्र सुक्रे, स्वप्नील सुक्रे, संदीप कदम, दिवान पऱ्हाड यांसह आदी उपस्थित होते. दरम्यान विहिरीतून बाहेर काढलेल्या नर प्रजातीच्या सदर बिबट्याच्या बछड्यावर प्राथमिक उपचार करत वनविभागाच्या वतीने त्याला निसर्गाच्या सानिध्यात मुक्त करण्यात आले. यावेळी करंदी ग्रामस्थांनी वनविभाग तसेच प्राणीमित्रांचे आभार मानले.