जागतिक महिलादिनी ‘छावा’ च्या स्क्रिनिंगचे आयोजन

शिरूर (अरुणकुमार मोटे): महिला दिनानिमित्त स्वराज्य रक्षक प्रतिष्ठानच्या वतीने अध्यक्ष तेजस यादव यांच्या संकल्पनेतून स्वराज्य रक्षक धर्मवीर छत्रपती संभाजी महाराजांच्या जीवनावर आधारित ‘छावा’ चित्रपटाच्या स्क्रिनिंगचे आयोजन करण्यात आले होते. यावेळी निमगाव म्हाळुंगी (ता. शिरूर) येथील शेकडो महिलांनी आपल्या व्यस्त संसारातून वेळ काढून हा अनोखा महिलादिन साजरा केला.

‘स्वराज्य रक्षक धर्मवीर छत्रपती संभाजी महाराज यांनी कशा प्रकारे स्वराज्याचे रक्षण करण्यासाठी कष्ट घेतले व त्यांच्या धर्मपत्नी श्री सखी येसूबाई यांचा या स्वराज्याच्या भक्कम वाटचालीत एक महिला म्हणून कशी साथ लाभली याचा वस्तुपाठ या चित्रपटात आहे. त्यामुळे महिलादिनी हा चित्रपट महत्त्वाचा ठरतो. यामुळेच आम्ही महिलांसाठी या स्क्रिनिंगचे आयोजन केले. यानिमित्ताने संसारात रमलेल्या या आमच्या लाडक्या माता भगिनींनी एक दिवस मल्टिप्लेक्समध्ये चित्रपट पाहुन अनोखा महिलादिन साजरा केल्याचे’ आयोजक तेजस यादव यांनी सांगितले.

यावेळी निमगाव म्हाळुंगीच्या मा. उपसरपंच सौ. अश्विनीताई लांडगे, मा. उपसरपंच सौ. कविता चौधरी शालेय व्यवस्थापन समितीचे अध्यक्ष एकनाथ लांडगे, अजित चौधरी, शिवसेना शाखाप्रमुख दशरथ नागवडे, अरविंद भिवरे, सागर नागवडे, भरत काळे, सुखदेव रणसिंग, नरेंद्र गडदे, प्रसन्न चव्हाण तसेच सर्व महिला व माता भगिनी यावेळी उपस्थित होत्या.