Shirur Police Station
शिरूर (अरुणकुमार मोटे): शिरुर शहरातील नामांकीत असणाऱ्या आनंद नागरी सहकारी पतसंस्थेत तेथील संचालक मंडळ व लेखा परीक्षकांनी संगनमताने तब्बल सतरा कोटी रुपयांचा अपहार करुण ठेवीदारांची मोठी आर्थिक फसवणुक केल्याची खळबळजनक घटना घडली आहे. याबाबत शिरुर पोलिस स्टेशनमध्ये पतसंस्थेच्या संचालक मंडळासह चौदा जणांवर गुन्हे दाखल करण्यात आले आहेत.
शिरूर येथील आनंद नागरी सहकारी पतसंस्थेत ठेवीदार पैसे ठेव म्हणून ठेवत असताना पतसंस्थेचे अध्यक्ष अभयकुमार चोरडिया यांसह संचालक मंडळाने पतसंस्थेतील तब्बल १६ कोटी ७० लाख ५४ हजार रुपये आपल्याच नात्यातील लोकांना विनातारण कर्ज वाटप केले आहे. त्यांनतर सदर कर्जाची वसुली न करता बँकेचा तोटा असल्याचे दाखवले, दरम्यान सदर पतसंस्थेचे तत्कालीन लेखा परीक्षक यांना याबाबतची सर्व माहिती असताना देखील या बाबी वरिष्ठ कार्यालयांना कळवल्या नाही. संचालक मंडळाला साथ देऊन याकडे जाणीवपूर्वक दुर्लक्ष केल्याची घटना उघडकीस आली आहे.
याबाबत शिरूर पोलिस स्टेशन येथे सहकारी संस्था पुणे व द्वितीय अप्पर विशेष लेखा परीक्षक संजयकुमार सखाराम मुंडे (वय ५६, रा. लेअर टाऊन अमेनोरा मागे हडपसर पुणे) यांनी शिरूर पोलिस स्टेशन येथे फिर्याद दिली आहे. त्यानुसार पोलिसांनी आनंद नागरी सहकारी पतसंस्थेचे अध्यक्ष अभयकुमार पोपटलाल चोरडीया, संचालक प्रवीण चंपालाल चोरडीया, सनीधरमचंद चौरडीया, सविता अभयकुमार चोरडीया, सुजाता नितीन चोरडीया, प्रीतम प्रवीण चोरडीया, पारसबाई पोपटलाल चोरडीया, चंपालाल बुधमल चोरडीया, सुरेंद्रकुमार रतनलाल चोरडीया (सर्व रा. आनंद सोसायटी शिरूर ता. शिरूर जि. पुणे) मुरसलीन वाहिद मोहम्मद (रा. सफरपूर राजपुतान ता. रूड जि. हरिद्वार राज्य उत्तराखंड) आनंद नागरी सहकारी पतसंस्थेचे व्यवस्थापक शांताराम गंगाधर देवकर (रा. तीनचारी वस्ती कोल्हार बुद्रुक ता. राहता जि. अहमदनगर), सनदी लेखा परीक्षक सरिता ब्रिजमोहन सिंह (रा. व्सिहाल रेसिडेन्सी कासारवाडी पुणे), नागेंद्र एच सोरटे, अजय एच सोरटे दोघे रा. दापोडी पुणे यांच्या विरुद्ध गुन्हा दाखल केला आहे. या घटनेचा पुढील तपास पोलिस निरीक्षक जोतीराम गुंजवटे यांच्या मार्गदर्शनाखाली पोलिस उपनिरीक्षक लतीफ मुजावर हे करत आहे.
दरम्यान, एवढया मोठ्या प्रमाणावर ठेवीदारांची फसवणुक केल्याने ठेवीदार आर्थिक संकटात सापडले आहे. ठेवीदारांनी पंतसंस्थेत गुंतवणुक करताना चौकशी करणे गरजेचे आहे. शिरूर तालुक्यातील अनेक पंतसंस्था डबघाईस आल्या असून गुंतवणुकदारांनी सतर्क राहणे गरजेचे आहे.
शिक्षकांच्या बदलीसाठी चक्क शाळा भरवली शिरूर पंचायत समितीत…
शिरुर तालुक्यात बोगस बियाण्याने शेतकरी हतबल; अधिकारी वसुलीत मग्न…
मारहाण करणाऱ्या निलंबित शिक्षकांची मुजोरी, प्रशासनालाही जुमानेना, शाळेवर करतायेत नियमित कामकाज
राज्य सरकारने लाडक्या बहिणींच्या दाजीच्या शेतमालाला आणि दुधाला बाजारभाव द्यावा; डॉ अमोल कोल्हे
शिरुर (तेजस फडके): चासकमान डाव्या कालव्याच्या अस्तरीकरणाच्या मनमानी, विस्कळीत आणि शेतकरीविरोधी नियोजनाविरोधात आंबळे परिसरातील शेतकऱ्यांचा…
धावपळीच्या जीवनात आपण एकामागे एक सतत कामे करतो. मात्र हे आपल्यासाठी धोकादायक ठरू शकते. याचा…
बहुतांश जणांची कामे ही सध्या बैठ्या स्वरूपाची असतात. विविध सरकारी कार्यालयात, बँकेत, आयटी मध्ये काम…
शिरूर (तेजस फडके): शिरूर तालुक्यातील निमोणे गावातील पिंपळाचीवाडी परिसरात घोड नदीच्या काठावर विद्युत मोटार सुरु…
प्रशासनाच्या निष्काळजीपणा, नियमभंग आणि वेस्ट-टू-एनर्जी प्रकल्पातील अनियमिततेवर कठोर कारवाईची मागणी मुंबई: मोशी कचरा डेपो येथे…
मुंबई : टीईटी आणि सीईटी पेपरफुटी प्रकरणावरून काँग्रेसने राज्य सरकार आणि शिक्षण मंत्री दादा भुसे यांच्यावर…