kantilal-umap
शिक्रापूर : शालेय शैक्षणिक क्षेत्रात विद्यार्थी गुणवत्ता, विद्यार्थी सुरक्षितता त्याचप्रमाणे रॅगिंग विरोधी कायदा सर्वांनी बारकाईने समजावून घ्या. शालेय वयात विद्यार्थ्यांना दोन चाकी वाहने वापरास मनाई करा. या वयात विद्यार्थ्यांच्या अंगी कष्ट रुजविणे, शारीरिक क्षमतेचे संवर्धन करणे, विविध खेळांचे विद्यालयात आयोजन करणे अत्यंत महत्त्वाचे आहे. 142 कोटी लोकसंख्या असलेल्या देशात शेती हेच खरे व्यवसाय शिक्षण आहे. याबाबत अधिकची जागरूकता करणे महत्त्वाचे आहे, असे प्रतिपादन राज्य उत्पादन शुल्क विभागाचे माजी आयुक्त व श्री. गुरुदत्त प्रतिष्ठान संस्थेचे अध्यक्ष कांतीलाल उमाप यांनी केले.
जातेगांव बु ॥ (ता शिरूर) येथील श्री. संभाजीराजे माध्यमिक व उच्च माध्यमिक विद्यालयात जिल्हा परिषद पुणे – माध्यमिक शिक्षण विभागाच्या वतीने गुरुवारी (ता. ७) आयोजित शिरूर, दौंड व खेड तालुक्यातील मुख्याध्यापकांच्या कार्यशाळा मार्गदर्शन प्रसंगी ते बोलत होते.
कार्यक्रमास पुणे जिल्हा परिषदेचे माध्यमिक शिक्षणाधिकारी डॉ. भाऊसाहेब कारेकर, शिरूर पंचायत समितीचे गटशिक्षणाधिकारी बाळकृष्ण कळमकर, संस्था संचालक सुरेश मोरे, महादेव क्षिरसागर, साहेबराव उमाप, दगडू साळुंखे, विकास प्रतिष्ठान संस्थेचे सीईओ डॉ. धनंजय परकाळे, महाराष्ट्र राज्य मुख्याध्यापक महामंडळाचे राज्य सचिव नंदकुमार सागर, पुणे जिल्हा मुख्याध्यापक संघाचे अध्यक्ष प्रसाद गायकवाड, कार्याध्यक्ष राजेश गायकवाड, उपाध्यक्ष सुधाकर जगदाळे, सहसचिव मारुती कदम ,एमकेसीएल पुणेचे समन्वयक विनायक कदम, स्पर्धा परीक्षा मार्गदर्शक अभिनव सिंग, राज्य टीडीएफ संघटनेचे अध्यक्ष गोरक्षनाथ थोरात, राज्य आश्रमशाळा मुख्याध्यापक महासंघाचे उपाध्यक्ष तुकाराम शिरसाट, शिरूर तालुका मुख्याध्यापक संघाचे सचिव बाळासाहेब चव्हाण, कार्याध्यक्ष नामदेव चौधरी, माजी अध्यक्ष तुकाराम बेनके, दौंड तालुका मुख्याध्यापक संघाचे सचिव उत्तम जावळे, माजी अध्यक्ष रामचंद्र नातू, खेड तालुका मुख्याध्यापक संघाचे सचिव रामदास पवार, शिरूर हवेली शिक्षक संस्थेचे अध्यक्ष सोमनाथ भंडारे, राष्ट्रपती पारितोषिक विजेते मुख्याध्यापक कुंडलीक मेमाणे आदि पदाधिकारी व मुख्याध्यापक बहुसंख्येने उपस्थित होते.
शिक्षणाधिकारी डॉ. भाऊसाहेब कारेकर म्हणाले, “शिरूर तालुका हा गुणवंतांची व प्रशासकीय अधिकाऱ्यांची खाण आहे. माध्यमिक व उच्च माध्यमिक शाळांमधे विद्यार्थी सुरक्षेस सर्वोच्च प्राधान्य दिले पाहिजे. जिल्हयात गुणवत्ता संवर्धन चळवळ, आस्थापना विषयक शिक्षक सेवा पुस्तके पूर्तता, अभिलेखे वर्गीकरण व जतन, ५ वी, ८ वी शिष्यवृत्ती परीक्षेत विद्यार्थी आधिकाधिक नोंदणी वाढविणे, ग्रंथालय समृद्धता, एक पेड माँ के नाम, हर घर तिरंगा उपक्रम, इन्स्पायर अवार्ड योजना, आनंददायी शनिवार इत्यादी बाबींची शाळाप्रमुखांनी काटेकोरपणे अंमलबजावणी करावी.”
प्रास्ताविक प्राचार्य रामदास थिटे यांनी तर सूत्रसंचालन प्राध्यापक गणेश बांगर यांनी केले. आभार राज्य मुख्याध्यापक महामंडळाचे सचिव नंदकुमार सागर यांनी मानले.
चौफेर वाचनाने व्यक्तिमत्वाचा सर्वांगिण विकास : प्राचार्य थिटे
प्राचार्य रामदास थिटे यांचा गुणवंत प्राचार्य पुरस्काराने सन्मान…
रांजणगाव गणपती (तेजस फडके) रांजणगाव औद्योगिक वसाहतीच्या कडेला असणाऱ्या रांजणगाव गणपती, ढोकसांगवी, सोनेसांगवी, कारेगाव, बाभुळसर…
हा प्रश्न अनेकांना पडला असेल. त्या प्रश्नाचं उत्तर या लेखात मिळेल. हिमोग्लोबिन, प्लाझ्माप्रमाणे प्लेटलेट्स हादेखील…
विजय वडेट्टीवारांचा सरकारवर घणाघात; “दोन दिवसांत दहा शेतकऱ्यांच्या आत्महत्या, सरकारला शेतकऱ्यांचे दुःख दिसत नाही का?”…
जीभचा रंग हा तुमच्या शरिराच्या स्थितीचा अंदाज सांगतो. पाहा काय आहे जीभेच्या रंगामागचं खरं कारण.…
न्हावरे (अक्षय टेमगिरे) : गुनाट ते शिंदोडी रस्त्यावर भरधाव आणि निष्काळजीपणे मोटारसायकल चालविणाऱ्या चालकाने सायकलवरुन…
मलठण (सुनिल जिते) : अष्टविनायक महामार्गावर भरधाव वेगाने वाहन चालविणे आणि ओव्हरटेक करण्याचा प्रयत्न दोन…