शिक्रापूरात कारच्या धडकेत दुचाकीवरील बापलेक जखमी

शिक्रापूर (शेरखान शेख): शिक्रापूर (ता. शिरुर) येथील मलठन फाटा येथून दुचाकीहून चाललेल्या बापलेकांना एका कारने धडक दिल्याने बापलेक जखमी झाल्याची घटना घडल्याने शिक्रापूर पोलीस स्टेशन येथे बापलेकांवर गुन्हे दाखल करण्यात आले आहे.

शिक्रापूर (ता. शिरुर) येथील मलठण फाटा येथून संभाजी तरपेवाड त्यांच्या ताब्यातील एमएच २६ ए एक्स ७१८२ या दुचाकीहून त्यांचा मुलगा दर्शन याला घेऊन चाललेले असताना पुणे बाजूने आलेल्या एम एच ३१ एफ आर ९५७० या कारची संभाजी यांना धडक बसून अपघात झाला. यावेळी दुचाकी वरील संभाजी तरपेवाड व दर्शन तरपेवाड हे दोघे बापलेक जखमी झाले मात्र कार चालक कार घेऊन पळून गेला.

याबाबत संभाजी नागूराव तरपेवाड (वय ४3) रा. मलठण फाटा शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी एम एच ३१ एफ आर ९५७० या वाहनावरील अज्ञात चालकावर गुन्हे दाखल केले असून पुढील तपास पोलीस हवालदार राजेंद्र माने हे करत आहे.