शिरुर तालुक्यात युवकाची गळफास घेऊन आत्महत्या

शिक्रापूर (शेरखान शेख): मुखई (ता. शिरुर) येथील सागर माळी हा राजेश माळी याच्या घरासमोरुन जात असताना त्याला राजेश लटकला असल्याचे दिसले. त्यामुळे त्याने पाहणी केली असता राजेशने दोरीच्या सहाय्याने गळफास घेतल्याचे निदर्शनास आले.

दरम्यान सागरने आरडाओरडा केल्याने शेजारील नागरिक धावत आले त्यांनी राजेश माळी याला खाली घेत उपचारासाठी गावातील हॉस्पिटलमध्ये नेले असता डॉक्टरांनी राजेश अंकुश माळी (वय ३६) रा. इंदिरानगर मुखई (ता. शिरुर) जि. पुणे यास मृत घोषित केले.

याबाबत चंद्रकांत आनंदा माळी (वय ४६) रा. इंदिरानगर मुखई (ता. शिरुर) जि. पुणे यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी आकस्मात मृत्यूची नोंद केली असून पुढील तपास सहाय्यक पोलीस उपनिरीक्षक विजय चौधर करत आहे.