पुणे: पुण्यात हॉटेलला आग लागल्याची घटना समोर आली आहे. या घटनेने परिसरात खळबळ उडाली आहे. घटनेची माहिती कळताच अग्निशमन दलाने घटनास्थळी धाव घेतली आहे. पुण्यातील दत्तवाडी भागातील प्रसिद्ध आशा हॉटेलमध्ये आज सकाळी भीषण आग लागल्याची घटना घडली. स्थानिक आणि ग्राहकांना हादरवून सोडणाऱ्या या घटनेत हॉटेलमधील एक कर्मचारी गंभीर जखमी झाला आहे. त्याला तत्काळ जवळच्या रुग्णालयात दाखल करण्यात आले आहे.
मिळालेल्या माहितीनुसार, आग गॅस लिकेज किंवा शॉर्टसर्किटमुळे लागल्याचा अंदाज अग्निशमन दलाने व्यक्त केला आहे. सकाळी साधारण ८ वाजण्याच्या सुमारास हॉटेलच्या स्वयंपाकघरातून धुराचे लोट बाहेर येताना दिसताच परिसरात एकच गोंधळ उडाला. लगेचच अग्निशमन दलाला पाचारण करण्यात आले. अग्निशमन दलाची तीन वाहने घटनास्थळी दाखल होऊन आगीवर नियंत्रण मिळविण्यासाठी प्रयत्न करण्यात आले.
सुदैवाने, वेळेत आग आटोक्यात आल्याने मोठा अनर्थ टळला. मात्र, स्वयंपाकघर आणि त्यातील साहित्याचे मोठ्या प्रमाणावर नुकसान झाले आहे. घटनेची चौकशी सुरू असून अग्निशमन दल व पोलिसांनी घटनास्थळाची पाहणी केली आहे. हॉटेलच्या CCTV फुटेजची तपासणी करून नेमकं कारण शोधण्याचे प्रयत्न सुरू आहेत. या घटनेनंतर स्थानिक व्यापारी आणि रहिवाशांमध्ये भीतीचं वातावरण निर्माण झालं आहे.
कल्याण: कल्याण रेल्वे स्थानक परिसरातील वाढती वाहतूक कोंडी कायमची सोडवण्यासाठी सॅटीस (SATIS) प्रकल्पाला गती देण्याचे…
मुंबई: महिला आरक्षणाच्या मुद्द्यावरून काँग्रेसने भाजपावर जोरदार टीका करत सरकारला थेट चर्चेचे आव्हान दिले आहे.…
सातारा: “मी उपमुख्यमंत्री म्हणून नाही, तर या मातीचा भूमिपुत्र म्हणून आलो आहे; जिथे कोणी जात…
मुंबई: महिला आरक्षण कायद्याच्या अंमलबजावणीवरून भाजपवर राष्ट्रवादी काँग्रेस पार्टी (शरदचंद्र पवार गट) चे प्रवक्ता ॲड.…
मुंबई: महाराष्ट्रात सुरू असलेल्या विशेष मतदार यादी पुनरिक्षण (Special Intensive Revision – SIR) प्रक्रियेच्या पार्श्वभूमीवर…
नागपूर: Vijay Wadettiwar यांनी पंतप्रधान Narendra Modi यांच्या कालच्या भाषणावर जोरदार टीका करत ते भाषण…