पुणे: खडकी येथील लष्करी अभियांत्रिकी सेवा कार्यालयात (मिलिटरी इंजिनिअरिंग सर्व्हिसेस – एमईएस) कार्यरत असलेल्या दोन अधिकाऱ्यांना केंद्रीय गुन्हे अन्वेषण विभागाच्या (सीबीआय) पथकाने दोन लाख रुपयांची लाच स्वीकारताना रंगेहाथ पकडले आहे. या प्रकरणी खडकी पोलीस ठाण्यात गुन्हा दाखल करण्यात आला असून दोघांनाही अटक करण्यात आली आहे.
सुनील निकम (असिस्टंट गॅरिसन इंजिनिअर) आणि सुरेश म्हस्के (कनिष्ठ अभियंता) अशी अटक करण्यात आलेल्या अधिकाऱ्यांची नावे आहेत. अटकेनंतर सीबीआयने त्यांच्या घरांवर छापे टाकले असता मोठ्या प्रमाणावर रोकड आणि महत्त्वाची कागदपत्रे हस्तगत करण्यात आली आहेत.
एमईएसमार्फत शहर व जिल्ह्यातील छावणी क्षेत्रातील बांधकामे, देखभाल व दुरुस्तीची कामे केली जातात. निकम आणि म्हस्के यांच्याकडे कंत्राटदारांच्या बिलांना मंजुरी देण्याची जबाबदारी होती. याच कामासाठी त्यांनी एका ठेकेदाराकडे सहा लाख रुपयांची लाच मागितल्याचा आरोप आहे. बिल मंजुरीसाठी वारंवार तगादा लावला जात असल्याने संबंधित ठेकेदाराने सीबीआयकडे तक्रार दाखल केली होती.
तक्रारीची काही दिवस पडताळणी केल्यानंतर ती सत्य असल्याचे निष्पन्न झाल्यावर शुक्रवारी सीबीआयने एमईएस कार्यालयात सापळा रचला. यावेळी सुरेश म्हस्के याला लाच स्वीकारताना रंगेहाथ पकडण्यात आले. तपासात सुनील निकम याचाही सहभाग उघड झाल्याने त्यालाही अटक करण्यात आली.या कारवाईमुळे संरक्षण विभागाच्या बांधकाम विभागात मोठी खळबळ उडाली असून पुढील तपास सीबीआयकडून सुरू आहे.
शिरूर (तेजस फडके) : शिरुर शहरातील आनंद सोसायटीत पहाटेच्या सुमारास सशस्त्र चोरट्याने धुमाकूळ घालत गोळीबार…
कारेगाव (तेजस फडके) शिरुर तालुक्यातील कारेगाव येथील हत्याकांड प्रकरणात पोलिसांनी गोळीबार करणाऱ्या पृथ्वी ऊर्फ भैय्या…
शिरुर (तेजस फडके) सर्वसामान्य नागरिकांना न्याय मिळवून देण्याची जबाबदारी असलेल्या शिरुर तहसील कार्यालयातील कारभारावरच आता…
पांडव: तांदळी (ता. जि. वाशिम) येथे दुष्काळाची पाहणी करताना एका युवा शेतकऱ्याच्या भावनांचा बांध फुटला. डोळ्यांत…
माळेगाव कारखान्याच्या ७० व्या गळीत हंगामाचा शुभारंभ; ऊसदर, पाणी व्यवस्थापन आणि कामगारांच्या योगदानावर भर बारामती:…
दुष्काळग्रस्त शेतकऱ्यांना तातडीने आर्थिक मदत, संपूर्ण कर्जमाफी आणि वीजबिल माफी देण्याची मागणी मुंबई: राज्यातील दुष्काळग्रस्त…