तळेगाव ढमढेरेत पाटाच्या पाण्याच्या वादातून व्यक्तीला मारहाण

शिक्रापूर (शेरखान शेख): तळेगाव ढमढेरे (ता. शिरुर) येथे पाटाचे पाणी शेतात सोडल्याच्या वादातून व्यक्तीला मारहाण करत त्याच्या आई वडिलांना मारहाण केल्याची घटना घडली असल्याने शिक्रापूर पोलीस स्टेशन येथे मिना अवधूत भुजबळ, नवनाथ मारुती भुजबळ, ओंकार नवनाथ भुजबळ, अवधूत मारुती भुजबळ, ईश्वर मारुती भुजबळ यांच्या विरुद्ध गुन्हे दाखल करण्यात आले आहे.

तळेगाव ढमढेरे (ता. शिरुर) येथील मंगेश भुजबळ हे त्यांच्या घराचे समोर गुरांना पाणी पाजण्यासाठी गेले असताना शेजारील मिना भुजबळ तेथे आल्या त्यांनी मंगेश यांना पाटाने पाणी का सोडतो, असे म्हणून शिवीगाळ केली. यावेळी त्यावेळी नवनाथ भुजबळ व ओंकार भुजबळ यांनी सदर ठिकाणी येवून मंगेश यांना शिवीगाळ, दमदाटी करत मारहाण केली. यावेळी मंगेशचे आई वडील मंगेशला सोडवण्यासाठी आले असताना त्यांना देखील शिवीगाळ, दमदाटी करत मारहाण केली, तर अवधूत भुजबळ व ईश्वर भुजबळ या दोघांनी देखील तेथे येऊन मंगेश यास तू कसा पोलीस स्टेशनला जातो हे पाहतो असे म्हणून मारहाण केली.

याबाबत मंगेश राजाराम भुजबळ (वय २३) रा. कमेवाडी तळेगाव ढमढेरे (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी मिना अवधूत भुजबळ, नवनाथ मारुती भुजबळ, ओंकार नवनाथ भुजबळ, अवधूत मारुती भुजबळ, ईश्वर मारुती भुजबळ सर्व रा. कमेवाडी तळेगाव ढमढेरे (ता. शिरुर) जि. पुणे यांच्या विरुद्ध गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार संतोष मारकड हे करत आहे.