पाबळमध्ये घरात घुसून महिलेचे मंगळसूत्र लांबवले

शिक्रापूर (शेरखान शेख): पाबळ (ता. शिरुर) येथील माळवाडी येथे रात्रीच्या सुमारास महिलेच्या घरात घुसून महिलेला दमदाटी करत महिलेच्या गळ्यातील अडीच तोळे वजनाचे मंगळसूत्र लांबवल्याची घटना घडली असल्याने शिक्रापूर पोलीस स्टेशन येथे 3 अज्ञात युवकांवर गुन्हे दाखल करण्यात आले आहे.

पाबळ (ता. शिरुर) येथील माळवाडी येथे राहणाऱ्या लक्ष्मीबाई पिंगळे घरात झोपलेल्या असताना रात्री तीन वाजण्याच्या सुमारास त्यांचे पती लघुशंकेसाठी बाहेर आले असताना एक चोरटा घरात घुसला त्याने लक्ष्मीबाई यांच्या गळ्यातील मंगळसूत्र हिसकावले. यावेळी लक्ष्मीबाई आरडाओरडा करु लागल्या असताना त्यांना ओरड्ल्यास मारेल, अशी धमकी देत त्यांचे मंगळसूत्र ओढून घेतले आणि घरातून बाहेर जाताना घराला कडी लावली. यावेळी लक्ष्मीबाई यांनी आरडाओरडा केल्याने शेजारील गोविंद पिंगळे हे बाहेर आले असता लक्ष्मीबाई यांच्या घरा समोरुन तीन युवक पळून जाताना दिसून आले.

याबाबत लक्ष्मीबाई चंद्रकांत पिंगळे (वय ६५) रा. माळवाडी पाबळ (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात तीन युवकांवर गुन्हे दाखल केले असून पुढील तपास सहाय्यक पोलीस निरीक्षक नितीन अतकरे हे करत आहे.