पुणे-नगर महामार्गावर भीषण अपघातात तरुण डॉक्टरचा मृत्यू…

शिरूर: पुणे-नगर महामार्गावरील रांजणगाव गणपती येथे भरधाव कारने दुचाकीला दिलेल्या धडकेत डॉ. श्रीकृष्ण विष्णू कांदे यांचा मृत्यू झाला असून, डॉ. श्रीकांत बाजीराव शिवले हे गंभीर जखमी झाले आहेत. या प्रकरणी रांजणगाव एमआयडीसी पोलिसांनी कार चालक विद्यानंद सदाशिव राऊत याच्या विरुद्ध गुन्हा दाखल केला आहे.

डॉ. श्रीकृष्ण कांदे आणि डॉ. श्रीकांत शिवले हे दोघे एम एच ०२ सी वाय ०७२६ या दुचाकीवरून अहिल्यानगरकडे जात होते. हॉटेल अमर इन जवळ दुभाजकातून वळण घेत असताना पाठीमागून आलेल्या एम एच १२ वाय डी ३९३६ या कारने त्यांच्या दुचाकीला जोरात धडक दिली. या अपघातामध्ये दोन्ही डॉक्टर गंभीर जखमी झाले. त्यांना तातडीने जवळच्या रुग्णालयात उपचारासाठी दाखल करण्यात आले होते. मात्र, उपचारादरम्यान डॉ. श्रीकृष्ण विष्णू कांदे (वय २६, रा. संकल्प सिटी, रांजणगाव) यांचा मृत्यू झाला आहे. डॉ. श्रीकांत बाजीराव शिवले (वय ३४, रा. नवी सांगवी, पिंपरी) हे गंभीर जखमी झाले असून त्यांच्यावर उपचार सुरू आहेत.

याबाबत डॉ. सौरभ भालचंद्र लोणकर (वय २७, रा. बारामती) यांनी रांजणगाव एमआयडीसी पोलिसात फिर्याद दिली आहे. पोलिसांनी कार चालक विद्यानंद सदाशिव राऊत (सध्या रा. लोणीकंद, मूळ रा. वाशीम) याच्यावर गुन्हा दाखल केला असून, पुढील तपास पोलिस उपनिरीक्षक मारुती पासलकर करत आहेत.

शिरूर शहर परिससरातील रस्त्यांवर अपघातांचा धुमाकूळ, सार्वजनिक बांधकाम विभाग कोमात

शिरूर-रामलिंग रोडवरील अपघातातील गंभीर जखमी युवक ठार…

शिरूर शहर व तालुक्यात बेकायदा गतीरोधकांचा हैदोस; अपघातांमध्ये वाढ, नागरिकांमध्ये संताप

Video: शिरूर तालुक्यात भीषण अपघातात आईचा जागीच मृत्यू, दोन चिमुकले जखमी…

शिरूर येथे भीषण अपघात; डंपरच्या धडकेत दोन जणांचा मृत्यू, एक गंभीर जखमी