शिरूर तालुक्यात फायनान्सच्या हप्त्यावरून युवकाच्या डोक्यात फोडली बाटली…

शिरूर (अरुणकुमार मोटे) : शिरूर तालुक्यातील आंधळगाव येथील एका युवकावर मोटरसायकलच्या फायनान्सचा हप्ता न भरल्याच्या कारणावरून चौघांनी मिळून प्राणघातक हल्ला केल्याची गंभीर घटना शिरूर शहराच्या हद्दीत घडली आहे. या प्रकरणी शिरूर पोलिस ठाण्यात गुन्हा दाखल करण्यात आला आहे.
याप्रकरणी किरण सावळा फुलारे (वय २३, व्यवसाय नोकरी, रा. आंधळगाव ता. शिरूर यांनी फिर्याद दिली आहे. जाधव ( पुर्ण नाव माहीत नाही ) व त्याच्यासोबत असलेल्या तीन अनोळखीं विरोधात गुन्हा नोंदविण्यात आला आहे.

फिर्यादीने दिलेल्या माहितीनुसार, दि. २८ डिसेंबर रोजी दुपारी साडेएकच्या सुमारास शिरूर गावाच्या हद्दीत रिलायन्स पेट्रोल पंपाशेजारी असलेल्या सुनील वडेवाले जवळ किरण फुलारे उभे असताना आरोपी जाधव व अन्य तिघांनी त्यांच्याकडे मोटरसायकलच्या फायनान्सचा हप्ता न भरल्याचे कारण काढून शिवीगाळ व दमदाटी सुरू केली. त्यानंतर चौघांनी मिळून त्यांना लाथा-बुक्क्यांनी मारहाण केली.

या वेळी आरोपी जाधव याने फिर्यादीच्या डोक्यात काचेची बाटली फोडून गंभीर दुखापत केली, तर एका अनोळखी इसमाने हातात दगड घेऊन त्यांच्या उजव्या खांद्यावर मारून जखमी केले. या हल्ल्यात किरण फुलारे गंभीर जखमी झाले असून त्यांच्यावर उपचार सुरू आहेत. या घटनेप्रकरणी शिरूर पोलिस ठाण्यात गुन्हा दाखल करण्यात आला असून, या प्रकरणाचा पुढील तपास पोलिस हवालदार उमेश भगत हे करीत आहे.

शिरूर तालुका हादरला! दिव्यांग मुलीच्या शरिराचे तोडले लचके…

शिरूर तालुक्यातील ज्येष्ठ पत्रकाराला जीवे मारण्याची धमकी; तुझा कार्यक्रम करतोच…

मी इथला भाई आहे… म्हणत रस्त्याच्या कामात दोन लाखांची खंडणी; तडीपार गुन्हेगाराची शिरूरमध्ये दहशत

शिरूर तालुक्यातील मेंढपाळ कुटुंबाला आंबेगाव तालुक्यात बेदम मारहाण…

शिरूर! शिक्षिकेचा पती पालकावर भडकला; पाहा दोन्ही Video…