पाकिस्तान: वर्गात गृहपाठ पुर्ण न केल्यामुळे जन्मदात्या वडिलांनीच आपल्या मुलाची जाळून हत्या केल्याची धक्कादायक घटना समोर आली आहे. पाकिस्तानच्या कराची शहरात घडली. आपल्या अल्पवयीन मुलाला पेटवून दिल्याप्रकरणी वडिलांना अटक करण्यात आली आहे.
पोलिसांनी सांगितले की, रईस अमरोवी कॉलनीत आरोपी वडील नजीर याने 12 वर्षीय मुलगा शाहीर याच्या अंगावर रॉकेल ओतून पेटवून दिल्याची घटना (दि.14) सप्टेंबर रोजी घडली.
आरोपीला सोमवारी न्यायदंडाधिकारी यांच्यासमोर हजर केले असता न्यायालयाने त्याला (दि. २४) सप्टेंबरपर्यंत पोलिस कोठडी सुनावली आहे. सुरुवातीच्या तपासणी दरम्यान आरोपी नजीरने तपासकर्त्यांना सांगितले की, त्याचा आपल्या मुलाची हत्या करण्याचा हेतू नव्हता. मुलाचा शाळेचा गृहपाठ होत नसल्यामुळे त्याला घाबरवण्यासाठी त्याने अंगावर रॉकेल शिंपडल्याचे आरोपीने सांगितले. आरोपीने सांगितले की, मुलाला घाबरवण्यासाठी त्याने मॅच पेटवली होती पण तेलाने पेट घेतला आणि मुलगा भाजला.
पोलिसांनी सांगितले की, मुलगा गंभीर भाजल्यानंतर त्याला जवळच्या सिंध सरकारी रुग्णालयात नेण्यात आले. तेथून त्याला कराची येथील डॉ. रुथ केएम फाऊ सिव्हिल हॉस्पिटल (CHK) च्या बर्न सेंटरमध्ये पाठवण्यात आले. बर्न सेंटरमध्ये उपचारादरम्यान शाहीरचा मृत्यू झाला. मृताच्या आईच्या तक्रारीवरुन वडिलांना अटक करण्यात आली असून, त्याच्याविरुद्ध गंभीर कलमांतर्गत गुन्हा दाखल करण्यात आला आहे.
पाणीगळती, पाणीचोरी आणि टँकरच्या काळाबाजारावर कारवाई होणार; पिण्याच्या पाण्याचा गैरवापर करणाऱ्यांचे नळजोड तोडणार! पुणे :…
न्हावरे (अक्षय टेमगिरे) शिरुर तालुक्यातील न्हावरा रोड येथे दुचाकीवरुन पडून गंभीर जखमी झालेल्या २६ वर्षीय…
न्हावरे (अक्षय टेमगिरे) : घराचा दरवाजा उघडा असल्याची संधी साधत अज्ञात चोरट्याने घरात प्रवेश करुन…
शिरूर (अरुणकुमार मोटे) : आंबळे (ता. शिरूर) येथील अखंड हरिनाम सप्ताहातील खोले महाराज यांचा कीर्तनाचा…
कारेगाव (तेजस फडके) : शिरुर तालुक्यात गुन्हेगारीचे प्रकार थांबण्याचे नाव घेत नसतानाच कारेगाव येथे एका…
मुंबई: महाराष्ट्राच्या समृद्ध सांस्कृतिक परंपरेचे प्रतीक असलेल्या गणेशोत्सवाला युनेस्कोच्या अमूर्त सांस्कृतिक वारशाच्या यादीत स्थान मिळवून…