ranjangaon-midc-police station
कारेगाव (तेजस फडके) : शिरुर तालुक्यात गुन्हेगारीचे प्रकार थांबण्याचे नाव घेत नसतानाच कारेगाव येथे एका तरुणाच्या गळ्यावर धारदार शस्त्राने वार करुन त्याला संपविण्याचा प्रयत्न केल्याची धक्कादायक घटना उघडकीस आली आहे. ओळखीच्याच व्यक्तीने कोणत्यातरी कारणावरुन थेट गळ्यावर वार केल्याने ३५ वर्षीय इस्लाम सलाम शेख गंभीर जखमी झाला आहे. या जीवघेण्या हल्ल्याप्रकरणी दानिश शेख याच्याविरुद्ध रांजणगाव एमआयडीसी पोलीस ठाण्यात खुनाच्या प्रयत्नाचा गुन्हा दाखल करण्यात आला आहे.
रांजणगाव MIDC पोलिसांनी दिलेल्या माहितीनुसार, इस्लाम सलाम शेख (वय ३५, रा. सरदवाडी, रामलिंग रोड, ता. शिरुर) हा दि. २७ ऑक्टोबर २०२६ रोजी रात्री १० वाजून ४५ मिनिटांच्या सुमारास कारेगाव गावच्या हद्दीतील इंडियन ऑईल पेट्रोल पंप व कचरा डेपो परिसरात होता. यावेळी त्याच्या ओळखीचा दानिश शेख (पुर्ण नाव व पत्ता माहीत नाही) याने कोणत्यातरी कारणावरून त्याच्यावर धारदार शस्त्राने हल्ला केला. आरोपीने इस्लाम याच्या गळ्यावर वार करून त्याला गंभीर जखमी केले. या हल्ल्यातून त्याला जीवे ठार मारण्याचा प्रयत्न झाल्याचे फिर्यादीत नमूद करण्यात आले आहे.
विशेष म्हणजे, हा हल्ला रात्रीच्या सुमारास पेट्रोल पंप व कचरा डेपो परिसरात घडला. ओळखीच्या व्यक्तीकडूनच अशा प्रकारे जीवघेणा हल्ला झाल्याने परिसरात खळबळ उडाली आहे. नेमका वाद कशातून झाला…? हल्ल्यामागे पूर्ववैमनस्य होते की अन्य काही कारण…? आरोपीने धारदार शस्त्राने गळ्यावरच वार का केला…? या प्रश्नांची उत्तरे आता पोलीस तपासातून समोर येणार आहेत.
या प्रकरणी रांजणगाव एमआयडीसी पोलीस ठाण्यात गुन्हा दाखल करण्यात आला आहे. या गुन्ह्याचा तपास सहाय्यक पोलीस निरीक्षक अनिल मोरडे करीत आहेत. शिरुर विभागाचे उपविभागीय पोलीस अधिकारी रविंद्र भोसले, रांजणगावचे पोलीस निरीक्षक कुमार कदम आणि पोलीस उपनिरीक्षक चव्हाण यांनी घटनास्थळी भेट दिली आहे.
शिरुर; रस्त्यातील दुचाकी काढण्यास सांगितल्याने सात जणांनी शेतकऱ्याला मारहाण करत कारच्या काचा फोडल्या
शिरुर तालुक्यात उच्चदाब विद्युत वाहिनीचा शॉक बसुन भाजलेल्या ३८ वर्षीय व्यक्तीचा उपचारादरम्यान मृत्यू
शिरुरमध्ये भरदिवसा घरफोडी; सव्वातीन लाखांचे सोने-चांदीचे दागिने आणि रोकड लंपास
कारेगाव हत्याकांड; गोळीबार करणाऱ्या भैय्या जाधवला बेड्या; पवन हुंडारे अद्याप फरार
कारेगाव भिशी प्रकरण; ‘व्याजाला सोकले अन् मुद्दलाला मुकले’ अशी गुंतवणुकदारांची अवस्था
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…