शिरुर (अरुणकुमार मोटे) करडे (ता. शिरुर) येथील प्राईमकोल्ड स्टोरेज प्रा. लि. कंपनीमध्ये ट्रॅक्टर आणि हायवा गाडी कंपनीमध्ये न लावल्याचा राग मनात धरून चार जणांनी कंपनीचे मॅनेजर श्रीकांत शिवाचरण साहू याला काठी व हॉकी स्टिकने जबर मारहाण केली आहे. याप्रकरणी १ ) अमोल विलास देशमुख २) प्रणव राजेंद्र जगदाळे ३) अमोल नितीन देवरे व इतर अनोळखी १ इसम या चार जणांवर शिरुर पोलीस स्टेशन येथे गुन्हा दाखल झाला आहे.
याबाबत शिरुर पोलिसांनी दिलेल्या माहितीनुसार दि १७ सप्टेबर रोजी रात्री १० वाजण्याच्या सुमारास मॅनेजर श्रीकांत शिवाचरण साहू व त्यांच्या कंपनीतील तुषार संकपाळ हा सुरक्षारक्षक दुचाकीवर करडे (ता.शिरुर) गावच्या हद्दीत साहू राहत असलेल्या खोलीत सोडवण्यास आला. तो साहू याला सोडुन माघारी गेला. त्यावेळी श्रीकांत शिवाचरण साहू खोलीत जात असताना चारचाकी स्वीप्ट कार क्रं एम. एच. १४ एफ. जी. ००७८ ही श्रीकांत साहू यांच्या समोर येऊन थांबली.
त्यातून अमोल विलास देशमुख, प्रणव राजेंद्र जगदाळे व अमोल नितीन देवरे (रा. करडे ) असे तिघेजण गाडीतुन उतरले. त्यानंतर दुचाकीवर एक जण अनोळखी व्यक्ती आला. त्यातील अमोल देशमुख याने श्रीकांत साहुला तु माझा ट्रॅक्टर व हायवा कंपनीत का लावली नाही…? असे म्हणुन हाताने साहू यांच्या तोंडावर मारले. त्यावेळी त्यांच्यासोबत आलेले प्रणव जगदाळे व अमोल देवरे यांनी गाडीतून हाँकी स्टीक व लाकडी काठी काढली. त्यातील एक काठी अमोल देशमुख यास दिली व त्या काठीने व हॉकी स्टीकने त्यांनी श्रीकांत साहू यास मारण्यास सुरुवात केली.
त्यांनी श्रीकांत साहू याच्या पाठीवर व पायावर लाकडी काठीने व हाँकी स्टीकने मारहाण केली. त्यानंतर दुचाकीवर आलेल्या अनोळखी माणसाने श्रीकांत साहू याला पाठीमागुन धरुन ठेवले होते. ते मारहाण करत असताना श्रीकांत साहू मोठ्याने ओरडले असता त्यावेळी त्यांची पत्नी श्रद्धांजली ही खाली आली व मोठ्याने ओरडली. त्यावेळी ते चार जण तिथुन निघुन गेले.
या घटनेनंतर श्रीकांत साहू यांनी डायल ११२ ला फोन केला. त्यानंतर शिरुर पोलीस घटनास्थळी आले आणि साहू यांना उपचाराकरीता न्हावरे येथील ग्रामीण रुग्णालयात घेवुन गेले. या मारहाण प्रकरणी श्रीकांत साहू यांच्या फिर्यादीवरुन एक अनोळखी व्यक्ती तसेच करडे (ता. शिरुर) येथील तीन जण अशा एकुण चार जणांवर शिरुर पोलिस स्टेशन येथे गुन्हा दाखल झाला असुन पोलीस निरीक्षक संदेश केंजळे यांच्या मार्गदर्शनाखाली पोलीस उपनिरीक्षक सागर शेळके हे या घटनेचा पुढील अधिक तपास करत आहेत.
शिरुर; वाळु माफियांचा आणखीन एक कारनामा; तहसीलदार पाठीमागे लागताच रस्त्यावरच टाकली वाळू
शिरुर शहरात ब्युटीपार्लर चालवणाऱ्या महीलेस शिवीगाळ, मारहाण करुन पार्लर जाळुन टाकण्याची दिली धमकी
शिरुर तालुक्यात अल्पवयीन मुली पळुन जाण्याच्या प्रमाणात वाढ; पालकांची चिंता वाढली
बारामती: राज्याचे दिवंगत उपमुख्यमंत्री अजितदादा पवार यांच्या सार्वजनिक आणि राजकीय कार्याचा गौरव करत महाराष्ट्र विधानपरिषद…
मुंबई: राज्य शासनाने २०४७ पर्यंत ३०० कोटी वृक्ष लागवडीचे महत्त्वाकांक्षी उद्दिष्ट निश्चित केले असून, यंदाच्या…
शिक्रापुर (अक्षय टेमगिरे): शिरुर तालुक्यातील पिंपळे जगताप येथील पाषाण तलावात एका अनोळखी तरुणाचा मृतदेह आढळून…
ईशान्य भारतातील भाषांमध्ये रामायण, गीता, हनुमान चालीसाचे प्रकाशन; पवित्र ग्रंथांच्या मोफत वितरणाचा खर्च उचलण्याची शिंदेंची…
मुंबई: काँग्रेस प्रदेशाध्यक्ष हर्षवर्धन सपकाळ यांनी शुक्रवारी पत्रकार परिषदेत केंद्र सरकार, भाजप आणि राष्ट्रीय स्वयंसेवक…
बारामती : अमृत भारत स्टेशन योजनेअंतर्गत देशातील ७५ आणि महाराष्ट्रातील बारामती व नांदुरा या दोन…