शिक्रापूर (शेरखान शेख): केंदूर (ता. शिरुर) येथील एका बंद घराच्या मुख्य दरवाजा सह सेफ्टी दरवाजाचे लॉक तोडून घरात प्रवेश करुन अज्ञात चोरट्यांनी घरातील 1 लाख 75 हजार रुपयांचा ऐवज चोरुन नेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यांवर गुन्हे दाखल करण्यात आले आहे.
केंदूर (ता. शिरुर) येथील सुक्रेवाडी येथे राहणारे किशोर राहणे हे त्यांच्या पुणे येथील घरी गेलेले असताना त्यांनी केंदुर गावातील घराच्या दरवाजासह सेफ्टी दरवाजाला लॉक लावून ठेवलेले होते. (दि. १८) डिसेंबर २०२२ रोजी पहाटेच्या सुमारास राहणे यांच्या घराच्या दरवाजाचे कुलूप तुटलेले व दरवाजा उघडा असल्याचे शेजारील नागरिकांना दिसले त्यांनी याबाबतची माहिती किशोर रहाणे यांना दिली असता राहणे यांनी तातडीने घरी येत पाहणी केली असता घराच्या दोन्ही दरवाजांचे लॉक तुटलेले व घरातील सर्व साहित्य अस्ताव्यस्थ पडल्याचे त्यांना दिसून आले. त्यामुळे त्यांनी घरातील कपाटाची पाहणी केली असता कपाटातील सोन्याचे दागिने तसेच घरातील भिंतीवरील टीव्ही चोरीला गेल्याचे दिसून आले.
याबाबत किशोर धोंडीबा राहणे (वय ४९) रा पाराषर हाउसिंग सोसायटी चंदननगर पुणे मुळ रा. सुक्रेवाडी केंदुर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात आरोपींवर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस उपनिरीक्षक विजय चौधर हे करत आहे.
विद्यार्थ्यांना एआय, रोबोटिक्स, ड्रोन आणि थ्रीडी प्रिंटिंगचे मिळणार प्रात्यक्षिक शिक्षण; उच्च शिक्षणासाठी ठरणार उपयुक्त शिरूर…
पाणीगळती, पाणीचोरी आणि टँकरच्या काळाबाजारावर कारवाई होणार; पिण्याच्या पाण्याचा गैरवापर करणाऱ्यांचे नळजोड तोडणार! पुणे :…
न्हावरे (अक्षय टेमगिरे) शिरुर तालुक्यातील न्हावरा रोड येथे दुचाकीवरुन पडून गंभीर जखमी झालेल्या २६ वर्षीय…
न्हावरे (अक्षय टेमगिरे) : घराचा दरवाजा उघडा असल्याची संधी साधत अज्ञात चोरट्याने घरात प्रवेश करुन…
शिरूर (अरुणकुमार मोटे) : आंबळे (ता. शिरूर) येथील अखंड हरिनाम सप्ताहातील खोले महाराज यांचा कीर्तनाचा…
कारेगाव (तेजस फडके) : शिरुर तालुक्यात गुन्हेगारीचे प्रकार थांबण्याचे नाव घेत नसतानाच कारेगाव येथे एका…