Video: हा माणूस जुगाडचा बाप ठरला….

नवी दिल्लीः एका युवक मोटार लावून पलंगाद्वारे चारचाकीमध्ये रुपांतर केले असून, संबंधित व्हिडिओ सोशल मीडियावर व्हायरल होत आहे. संबंधित व्हिडिओ पाहून ‘हा माणूस जुगाडचा बाप ठरला,’ अशा प्रतिक्रिया नेटिझन्सने मांडल्या आहेत.

व्हिडिओमध्ये पाहायला मिळते की, एक युवक आपली चारचाकी गाडी घेऊन पेट्रोल पंपावर पोहोचतो, ज्यामुळे पंप कर्मचारीही हैराण होतात. ज्यांनी हा व्हिडिओ शेअर केला आहे ते याला एक आश्चर्यकारक इनोव्हेशन म्हणत आहेत. आपत्कालीन परिस्थितीत हा जुगाड गावातील लोकांसाठी वरदान ठरू शकतो, असा त्यांचा विश्वास आहे. मात्र, त्याचा उद्योगपती महिंद्रांवर तितकासा प्रभाव पडला नाही.

उद्योगपती महिंद्र यांनी हा व्हिडिओ ट्विट करत लिहिले आहे की, ‘हा एक प्रॅंक जुगाड सारखा दिसत आहे. याशिवाय यामुळे नियमांचेही उल्लंघन होते. मात्र, दुर्गम भागातील अत्यंत प्रतिकूल परिस्थितीत हे जीवदान ठरू शकते.’ एका युजरने लिहिले आहे की, सुरक्षाही महत्त्वाची आहे. तर दुसऱ्या युजरने म्हटले आहे की, ‘हा माणूस जुगाडचा बाप ठरला.’