मुंबई: बिग बॉस मराठी ६ मध्ये प्रेक्षकांना खिळवून ठेवणारा मोठा ट्विस्ट पाहायला मिळाला आहे. यंदाच्या सीझनची पहिली वाईल्ड कार्ड एंट्री झाली असून, ‘ड्रामा क्वीन’ राखी सावंतने थेट बिग बॉसच्या घरात एंट्री घेतली आहे. पहिल्याच दिवशी राखीने आपल्या खास स्टाईलमध्ये घरात खळबळ उडवली असून, पुढील एपिसोड्समध्ये मोठा गोंधळ पाहायला मिळणार, हे नक्की आहे.
बिग बॉस मराठीचा नवा प्रोमो समोर आला असून, त्यामध्ये राखी सावंतच्या एंट्रीनंतर घरात नेमकं काय घडतंय, याची झलक पाहायला मिळते. प्रोमोच्या सुरुवातीलाच सागर कारंडे राखीला विचारतो, “राखी, तू कोणती ड्युटी करणार आहेस ते सांगितलं नाहीस.” यावर राखी नेहमीप्रमाणे मिश्कील उत्तर देत म्हणते, “मी फक्त दोनच ड्युटी करणार – जेवायची आणि झोपायची!”
यानंतर अनुश्री राखीला जेवण बनवायला सांगते. मात्र त्यावर “मला शिकवू नका,” असं ठाम उत्तर देत राखी सावंत पुन्हा एकदा आपल्या बेधडक स्वभावाचं दर्शन घडवते. पुढे राखी म्हणते, “आता मी जशी सती सावित्री आहे, तशी उद्यापासून गांधारी होणार आहे. एकेकाला बाहेर काढेन मी,” या डायलॉगने संपूर्ण घरात तणावाचं वातावरण निर्माण झालेलं दिसतं.
दरम्यान, बिग बॉस मराठी ६ चा मागील आठवडा अत्यंत धक्कादायक ठरला होता. घरातील सदस्यांना धमकी दिल्याच्या आरोपामुळे बिग बॉसने दिव्या शिंदेला थेट घराबाहेर काढलं. या निर्णयाने घरातील सदस्यांसह प्रेक्षकांनाही मोठा धक्का बसला. त्यानंतर वीकेंडच्या एपिसोडमध्ये ओमकार राऊत एलिमिनेट झाला. एकाच आठवड्यात दोन स्पर्धक बाहेर गेल्यानंतर रविवारी राखी सावंतची वाईल्ड कार्ड एंट्री झाली.हा प्रोमो पाहिल्यानंतर सोशल मीडियावर नेटकऱ्यांनी जोरदार प्रतिक्रिया दिल्या आहेत.
“आता येणार खरी मजा”, “राखी सावंत रॉक्स”, “घरात कल्ला होणार 100%”, “राखीचा नाद करू नका”, “आता सगळ्यांचा घमंड मोडणार” अशा अनेक कमेंट्स व्हायरल होत आहेत. काहींनी तर “आता बिग बॉस मराठी फॅमिली शो वाटणार नाही,” असंही म्हटलं आहे.राखी सावंतच्या एंट्रीनंतर घरातील सर्व सदस्यांचे धाबे दणाणले असून, आता बिग बॉसच्या घरात पुढे कोणते नवे वाद, ड्रामा आणि ट्विस्ट पाहायला मिळणार, याकडे प्रेक्षकांचे लक्ष लागले आहे.
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…
महायुती सरकारवर काँग्रेस प्रदेशाध्यक्षांचा जोरदार हल्लाबोल; ‘गोकुळ’वर कब्जा करण्याचा सरकारचा डाव असल्याचा आरोप मुंबई: राज्यातील…