मुंबई: व्हॅलेंटाईन्स डे म्हणजे प्रेमाचा उत्सव. आजच्या या खास दिवशी मनोरंजन विश्वातील अनेक कलाकारांनी आपल्या जोडीदारासाठी रोमँटिक पोस्ट शेअर करत प्रेम व्यक्त केलं. सोशल मीडियावर प्रेमाच्या कबुल्यांचा अक्षरशः वर्षाव पाहायला मिळाला.
गेल्या काही दिवसांत रेवती लेले, गायत्री दातार आणि ज्ञानदा रामतीर्थकर अशा अभिनेत्रीांनीही आपल्या नात्याची अधिकृत कबुली दिली होती. आता त्यांच्याच पाठोपाठ आणखी एका लोकप्रिय मराठी अभिनेत्रीने आपल्या आयुष्यातील खास व्यक्तीबद्दल खुलासा केला आहे.
‘राजा राणीची गं जोडी’, ‘मन झालं बाजिंद’ आणि ‘पारू’ या मालिकांमधून घराघरांत पोहोचलेली अभिनेत्री श्वेता खरात हिने व्हॅलेंटाईन डे निमित्त सोशल मीडियावर खास पोस्ट शेअर करत प्रेमाची कबुली दिली आहे. मात्र, तिने तिच्या बॉयफ्रेंडचा चेहरा अद्याप रिव्हिल केलेला नाही. इतकंच काय, त्याचं पूर्ण नावही जाहीर केलं नसून त्याचं नाव ‘A’ या अक्षरावरून सुरू होत असल्याचं तिने नमूद केलं आहे.
श्वेताची भावुक पोस्ट
श्वेता तिच्या पोस्टमध्ये लिहिते,“एक क्षण असा होता… जेव्हा प्रेम वगैरे या सगळ्या गोष्टी खऱ्या वाटत नव्हत्या. जणू प्रेम सगळ्यांसाठी आहे पण, माझ्यासाठी नाहीये असा माझा समज झाला होता. पण हळूहळू गोष्टी बदलल्या. माझा देवावर विश्वास होता आणि मग अनपेक्षितपणे माझ्या आयुष्यात तुझी एन्ट्री झाली. तू माझ्या आयुष्यातील सर्वात मोठी Blessing आहेस. तुझ्या प्रेमात मी फुलासारखी फुलत गेले… काही कथा आपण लिहीत नाही तर त्या देवाने आधीच लिहिलेल्या असतात. ‘व्हॅलेंटाईन्स डे’च्या खूप खूप शुभेच्छा माय डिअर लव्ह! माझ्या आयुष्यात तू नेहमीच खास राहशील. I love you ‘A’.”
ही पोस्ट शेअर होताच चाहत्यांसह अनेक मराठी कलाकारांनी तिला शुभेच्छा दिल्या आहेत. कमेंट सेक्शनमध्ये अभिनंदनाचा वर्षाव होत आहे. आता श्वेताचा ‘A’ नेमका कोण आहे? ती त्याची ओळख अधिकृतपणे केव्हा करून देणार? याबाबत चाहत्यांमध्ये उत्सुकता शिगेला पोहोचली आहे.
‘पारू’मधील खलनायिका अनुष्काची भूमिका गाजली
दरम्यान, श्वेताने ‘पारू’ मालिकेत अनुष्का ही खलनायिकेची भूमिका साकारली होती. तिच्या एन्ट्रीनंतर मालिकेत मोठा ट्विस्ट पाहायला मिळाला होता. प्रेक्षकांनी तिच्या अभिनयाचं भरभरून कौतुक केलं. मात्र, कथानकाच्या मागणीनुसार अनुष्काचा मृत्यू दाखवण्यात आल्याने श्वेताची मालिकेतून एक्झिट झाली.
आता तिच्या वैयक्तिक आयुष्यातील या नव्या अध्यायामुळे चाहते अधिकच आनंदित झाले आहेत. ‘A’ची ओळख उघड होण्याची सर्वांनाच उत्सुकता लागून राहिली आहे.
मुंबई: महाराष्ट्राच्या समृद्ध सांस्कृतिक परंपरेचे प्रतीक असलेल्या गणेशोत्सवाला युनेस्कोच्या अमूर्त सांस्कृतिक वारशाच्या यादीत स्थान मिळवून…
पोटादुखी, अपचन, डिहायड्रेशनची समस्या यांसारखे आजार उद्भवतात. उन्हामुळे त्वचा टॅन होणे, सतत तहान किंवा लघवीला…
जसं वय वाढतं तसं गुडघेदुखी ही एक सामान्य पण त्रासदायक समस्या बनते. आजकाल ही समस्या…
मीनाक्षी शिंदेंचा राजीनामा माझ्याकडे; निष्पक्ष चौकशीचे पोलिस आयुक्तांना निर्देश ठाणे: प्रदीप पूर्णेकर यांच्या हत्येची घटना…
‘संघभूमीतही भाजपचा प्रभाव दिसला नाही’; ओबीसी आरक्षणावरून सरकारला घेरले, १ नोव्हेंबरच्या दिल्ली आंदोलनाची घोषणा नागपूर:…
कर्जत-भीमाशंकरच्या जंगलातील वृक्षतोडीवरून काँग्रेस आक्रमक; वनसंपदेच्या रक्षणासाठी न्यायालयात जाण्याचा इशारा कर्जत : छत्रपती शिवाजी महाराजांच्या पावन…