गायक KK ने गर्लफ्रेंडसोबत लग्न करण्यासाठी केलं होतं ‘हे’ काम

मुंबई: आपल्या जीवनाचा काही भरवसा नसतो कधी कोण आपल्यामधून एक्झिट घेईल काही सांगता येत नाही. दरम्यानच्या काळात आपल्यामधून प्रसिद्ध गायक KK ने अचानक एक्झिट घेतली. तेव्हा सगळ्यांनाच प्रचंड मोठा धक्का बसला. ज्यांनी आपल्या गायनालाच आपला धर्म मानला. आणि आपल्या गायनानेच रसिकांचं भरभरुन प्रेम मिळवलं.

तुम्ही जर ९० च्या दशकातील पॉप गाणी ऐकत असाल तर तुम्ही KK चे ‘यारों.. दोस्ती.. बडी ही हसीन है’ ऐकलेच असेल. या गाण्याने त्या काळातील तरुणांना अक्षरशः वेड लावले होते. KK तरुणाईच्या गळ्यातील ताईत बनले होते. KK अशा मोजक्या गायकांपैकी होते. ज्यांनी गायनासाठी अक्ख आयुष्य पणाला लावलं. त्यांचा शेवटही एक गाण्याची कॉन्सर्ट दरम्यान झाला. केकेच्या आयुष्याविषयी कोणाला जास्त कल्पना नाही.

KK ने 1991 मध्येच त्याची गर्लफ्रेंड ज्योती कृष्णासोबत लग्न केले. KK ची प्रेमकहाणी इयत्ता 6 व्या वर्गात सुरु झाली. KK कॉमेडियन-होस्ट कपिल शर्माच्या शो ‘द कपिल शर्मा शो’ मधील गायक डॉ. पलाश सेन आणि शान यांच्यासोबत दिसला होता. या शो दरम्यान KK ने त्याच्या लव्ह लाईफबद्दल खुलासा केला. त्याने सांगितले होते की, ज्योतीशी लग्न करण्यासाठी त्याला सेल्सची नोकरी करावी लागली, कारण सासरच्या मंडळींना आपल्या मुलीचे लग्न एका बेरोजगार मुलासोबत करायचे नव्हते. केकेने सांगितले की मी ते विक्रीचे काम तीन महिने केले आणि नंतर सोडून दिले. तसेच बायक आणि वडिलांच्या पाठिंब्याने केके गायक बनू शकले.

KK ने 1991 मध्ये त्याची प्रेमिका ज्योती कृष्णाशी लग्न केले. लग्नानंतर त्यांना २ मुले झाली. १ मुलगा आणि १ मुलगी. त्यांच्या मुलाचे नाव नकुल कृष्ण कुननाथ आणि मुलीचे नाव तमारा कुननाथ आहे. नकुल देखील केके सारखा प्रतिभावान आहे आणि त्याने 2008 मध्ये वडिलांच्या ‘हमसफर’ अल्बममध्ये ‘मस्ती’ गाणे गायले होते. जोपर्यंत तमाराचा संबंध आहे, ती एक प्रशिक्षित पियानो वादक आहे. मात्र, या दोघांच्या कारकिर्दीबाबत अधिकृत माहिती नाही.