मुंबई: ‘बिग बॉस’च्या घरात भांडणं, वाद, तंटे हे नवीन नाहीत. मात्र फार क्वचित प्रसंगी हे वाद इतक्या टोकाला जातात की स्पर्धकाला थेट घराबाहेरचा रस्ता दाखवला जातो. ‘बिग बॉस मराठी’च्या आधीच्या सीझनमध्येही अशा घटना घडल्या आहेत.
दुसऱ्या सीझनमधील पराग कान्हेरेची हकालपट्टी, पाचव्या सीझनमधील आर्या जाधवचं बाहेर जाणं आणि आता सहाव्या सीझनमध्ये दिव्या शिंदेची एक्झिट या सगळ्यांच्या मुळाशी एकच कारण दिसतं, रागावर नियंत्रण न राहणं.
नेमकं घडलं काय?
घरात सुरू असलेल्या टास्कमध्ये एकमेकांच्या चेहऱ्यावर लाल रंगाची फुली मारायची होती. दिव्याचा आरोप आहे की अशा टास्कमध्ये तिला नेहमीच टार्गेट केलं जातं. त्यामुळे यावेळीही ती आधीपासूनच चिडलेली होती.
अशातच तन्वीने दिव्या बाहेरच्या गोष्टी घरात सांगते, तिला रात्री झोप लागत नाही आणि सकाळी तब्येतीची कारणं देते, असा आरोप केला. हे ऐकताच दिव्याचा संयम ढळू लागला. तरी सुरुवातीला तिने शांतपणे उत्तर देण्याचा प्रयत्न केला. मात्र तिचा बोलण्याचा आक्रमक सूर इतर सदस्यांना खटकू लागला, तरी बिग बॉसकडून तात्काळ हस्तक्षेप झाला नाही.
‘तो’ क्षण… आणि सगळं हातातून निसटलं
टास्कदरम्यान दिव्याच्या मनातली धुसफूस बाहेर आली. बोलता-बोलता तिच्या भाषेत तलवार चालवणं, जीवे मारण्याची धमकी देणं असे शब्द आले. रुचिताने तिला थेट विचारलं,
“तू धमकी देत आहेस?”
इथेच सगळं बिघडलं.
दिव्याने जर त्या क्षणी शांतता राखली असती, शब्द मागे घेतले असते किंवा अर्थ बदलून घेतला असता, तर परिस्थिती इतकी गंभीर झाली नसती. मात्र तिने,
“हो, ही धमकीच आहे!”
असं ठामपणे सांगितलं.
कन्फेशन रूममध्येही भूमिका बदलली नाही
यानंतर बिग बॉसने दिव्या आणि राकेशला कन्फेशन रूममध्ये बोलावलं. बिग बॉस आणि राकेशने तिला शांतपणे समजावण्याचा प्रयत्न केला, पण दिव्या ऐकण्याच्या मनस्थितीत नव्हती. ती तिच्या भूमिकेवर ठाम राहिली.
खरं निर्णायक वळण तेव्हा आलं, जेव्हा कन्फेशन रूममधून बाहेर आल्यानंतर दिव्याने स्पष्ट शब्दांत सांगितलं,
“मी माफी मागणार नाही.”
इथेच सगळे पर्याय बंद झाले. एक साधी माफी, एक क्षणाचा संयम कदाचित तिचा प्रवास पुढे गेला असता. पण तसं झालं नाही.
राग जिंकला, खेळ हरला
खेळात दिव्या कुठेतरी मागे होती, मात्र मोजक्या लोकांशी तिची चांगली नाती होती. त्यामुळे ती घरात टिकून होती आणि तिची दखल घेतली जात होती. मात्र रागाच्या त्या एका क्षणात संयम न राखता तिने बेफिकीरपणा दाखवला आणि अखेर ‘बिग बॉस मराठी ६’मधील तिचा प्रवास संपला.
‘बिग बॉस’मध्ये टास्क जिंकणं महत्त्वाचं असतंच, पण त्याहून महत्त्वाचं असतं — स्वतःवरचा ताबा.
दिव्याच्या बाबतीत, दुर्दैवाने, तोच तुटला.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…