मुंबई: स्टार प्रवाहवरील लोकप्रिय ‘ठरलं तर मग’ मालिकेत सध्या नवनवीन ट्विस्ट्स पाहायला मिळत आहेत. सायली आणि अर्जुन यांनी एकमेकांच्या कामाची अदलाबदल केल्याने कथेला वेगळीच रंगत आली आहे. अर्जुन घराची जबाबदारी सांभाळताना दिसतोय, तर सायली ऑफिसमध्ये जाऊन काम करत आहे. या बदलामुळे दोघांच्या नात्यात हलकेफुलके, मजेशीर प्रसंग घडताना दिसत आहेत.
सायली आता अगदी अर्जुनसारखी वागताना दिसतेय. जसा अर्जुन ऑफिसमधून आल्यावर सर्वांसमोर ‘बायको-बायको’ करत लाडिकपणे बोलतो, तशीच सायलीही ‘नवरा-नवरा’ करत त्याला चिडवत आहे. त्यामुळे घरात हास्यविनोदाचं वातावरण निर्माण झालं आहे.
दरम्यान, मालिकेत सध्या व्हॅलेंटाईन वीक साजरा केला जात आहे. रोझ डेच्या दिवशी अर्जुन सायलीसाठी खास गुलाबांचा बुके आणतो; मात्र प्रिया तो बुके लपवते. रोझ डे सेलिब्रेशनच्या वेळी अर्जुनला बुके सापडत नाही. अशावेळी सायली त्याला मोठा बुके भेट देते. अर्जुनकडे देण्यासाठी काहीच नसल्याने तो मसाल्यातील चक्रीफुल (स्टार अॅनिस) सायलीला देतो. हा अनोखा गिफ्ट सायलीला प्रचंड आवडतो आणि दोघांच्या प्रेमळ क्षणांनी घरातील सगळेच आनंदी होतात. मात्र प्रिया आपला प्लॅन फसल्याने चिडलेली दिसते.
आता व्हॅलेंटाईन डे निमित्ताने मालिकेत आणखी एक खास क्षण दाखवण्यात येणार आहे. स्टार प्रवाहने शेअर केलेल्या नव्या प्रोमोमध्ये सायली अर्जुनला भन्नाट सरप्राईज देताना दिसते. अर्जुन स्वयंपाक करत असताना बाहेर गाडीचा हॉर्न वाजतो. ‘बायको आली’ असं म्हणत तो दार उघडतो, पण बाहेर कोणीच नसतं. अचानक एक भलामोठा पिंक टेडी त्याच्यासमोर येतो आणि त्यातून सायली बाहेर येते.
अर्जुन लाजत म्हणतो, “बायको, सगळे बघतायत ना…” त्यावर सायली मिश्कीलपणे उत्तर देते, “तुम्हीही मला असंच पेचात पाडता ना… आता कसं वाटतंय?” त्यावर अर्जुन म्हणतो, “बेस्ट वाटतंय!” आणि दोघेही एकमेकांना व्हॅलेंटाईन डेच्या शुभेच्छा देतात.
हा रोमँटिक प्रोमो सध्या सोशल मीडियावर तुफान व्हायरल होत आहे. नेटकऱ्यांनी कमेंट्समध्ये सायली-अर्जुनच्या जोडीचं भरभरून कौतुक केलं आहे. अनेकांनी हार्ट इमोजी शेअर करत “दोघे सोबत खूप छान दिसतात” अशा प्रतिक्रिया दिल्या आहेत.‘ठरलं तर मग’मधील या प्रेमळ क्षणांमुळे प्रेक्षक पुन्हा एकदा या जोडीच्या प्रेमात पडले आहेत.
ठाणे: ठाण्यातील टेंभी नाका येथील शिवसैनिकांचे श्रद्धास्थान असलेल्या आनंदआश्रमात गुरुपौर्णिमा मोठ्या उत्साहात आणि भक्तिभावाने साजरी…
मुंबईतील एनएससीआय डोम येथे होणार प्रारंभ; युवक, विद्यार्थी आणि नागरिकांना प्रतिज्ञेत सहभागी होण्याचे मंत्री मंगलप्रभात…
मुंबई: देशभरात सध्या जंतर-मंतरवरील आंदोलनाची चर्चा रंगली आहे. काही आंदोलनकर्त्यांनी वापरलेल्या अश्लील, अपमानास्पद आणि खालच्या…
७५ वर्षीय केरबा खोरे यांच्या व्यथेला राज्यभरातून प्रतिसाद; तहसीलदार बाळासाहेब म्हस्के व आमदार माउली कटके…
शिरुर (तेजस फडके) गोवंश संरक्षणाच्या उद्देशाने लागू करण्यात आलेल्या 'महाराष्ट्र पशु संरक्षण' कायद्याचा हेतू जरी…
शिरुर (तेजस फडके): चासकमान डाव्या कालव्याच्या अस्तरीकरणाच्या मनमानी, विस्कळीत आणि शेतकरीविरोधी नियोजनाविरोधात आंबळे परिसरातील शेतकऱ्यांचा…