शिरुर तालुक्यात ‘या’ गावात आढळला अज्ञात मृतदेह

शिरुर (तेजस फडके) शिरुर तालुक्यातील बाभूळसर खुर्द येथे एक धक्कादायक घटना घडली आहे. करडे-बाभुळसर अष्टविनायक महामार्गालगत डाळिंबकर मळा परिसरात एका शेतकऱ्यांच्या शेतामध्ये एक अज्ञात पुरुषाचा मृतदेह आढळून आल्याने मोठी खळबळ उडाली आहे.

सदर मृतदेहाची ओळख अद्याप पटलेली नाही. प्राथमिक अंदाजानुसार या व्यक्तीच्या मृत्यू बाबत संशय व्यक्त करण्यात येत आहे. हा प्रकार आत्महत्या आहे की हत्या याचा निर्णय अद्याप होऊ शकलेला नाही.

या घटनेची माहिती मिळताच रांजणगाव MIDC पोलीस ठाण्याचे पोलिस उपनिरीक्षक निळकंठ तिडके तसेच पोलीस हवालदार गणेश आगलावे यांनी तत्काळ घटनास्थळी भेट देत पंचनामा केला. सदर मृतदेहाचे जागेवरच शवविच्छेदन करण्यात आले असुन हृदय विकाराच्या धक्क्याने सदर व्यक्तीचा मृत्यू झाल्याचा अंदाज डॉक्टरांनी व्यक्त केला आहे.

रांजणगाव पोलिसांकडुन परिसरातील सीसीटीव्ही फुटेज आणि साक्षीदारांची चौकशी करुन पुढील तपास केला जात आहे. दरम्यान, स्थानिक नागरिकांमध्ये या घटनेमुळे भीतीचे वातावरण निर्माण झाले आहे.

Video; शिरुर तालुक्यातील शेतकरी आर्थिक संकटात; भाजीपाल्याच्या घसरलेल्या दरांचा मोठा फटका

Video; शिक्रापुर येथे टेम्पो आणि अज्ञात वाहनाची जोरदार धडक; चालक फरार

Video; राजगड तालुक्यात विचित्र घटना ११ ट्रॅक्टर अडकले चिखलात

Video; शिरुर तालुक्यातील शांताई डेअरी मध्ये शेतकऱ्यांची फसवणुक होत असल्याचा आरोप