शिरुर येथे बजरंग दल व शिरुर पोलिसांनी १ हजार किलो गोमांस पकडले…

शिरुर (अरुणकुमार मोटे): शिरुर -करडे रस्त्यावरील करडे घाटात एका पिकअपमध्ये गोमांस वाहतुक करताना आढळून आल्याने बजरंग दलाच्या कार्यकर्त्यांनी हे वाहन अडवून शिरुर पोलिसांना कळवल्याने शिरुर पोलिसांनी पिकअप सह १००० किलो गोवंश मांस जप्त करण्यात आले आहे. सदर प्रकरणी प्रतिक उर्फ नितीन रविंद्र अवचार रा. शिरूर याने शिरुर पोलीस स्टेशनमध्ये याबाबत रितसर फिर्याद दाखल केली आहे

याबाबत सविस्तर माहिती अशी की,दि ०३ जानेवारी रोजी दुपारी ०२.०० वा चे सुमारास फिर्यादी व त्याचे मित्र गोविंद संजय देशमुख , विनायक लक्ष्मण बांदल, अजित दत्तात्रय लंघे तिघे रा. करडे, (ता. शिरुर),जि .पुणे यांचेकडे फिर्यादीचे खाजगी काम असलेने फिर्यादी तसेच फिर्यादीचा मित्र व रविद्र लक्ष्मण बैनाडे रा. शिरुर असे मिळून ते मोटार सायकल वरती शिरुर येथुन करडे गावात निघाले असता करडे घाटातुन जात असताना करडे घाटाच्या वरती एक महिद्रा कंपनीची बलेरो पिकअप गाडी थांबलेली दिसली.

सदर ठिकाणी गाडीचा चालक हा सदर बलेरो पिकअप गाडीतुन काहितरी खाली सोडत असताना दिसला. त्यावेळी फिर्यादी व त्यांच्या मित्राला असे वाटले कि तो कंपनीचे केमीकल युक्त रसायन सोडत आहे अशी शंका वाटल्याने त्यांनी तात्काळ पोलीस उपनिरीक्षक जाधव यांना संपर्क साधला. तेव्हा तात्काळ सदर ठिकाणी पो.उपनिरीक्षक जाधव, व पो.शि. बाबर हे दोन पंचांसह तेथे आले व त्यांनी सदर गाडी चालकास गाडीमध्ये काय आहे आम्हाला गाडीची पहाणी करायची आहे असे विचारले असता, गाडीचा चालक घाबरुन गेला. तेव्हा संशय अधिकच बळावल्याने पो.उपनिरीक्षक जाधव यांनी त्याला गाडी खोलण्यास सांगीतली.

चालकाने घाबरत घाबरत गाडीतील ताडपत्री काढली त्यावेळी सदर गाडीमध्ये मास असलेले त्यांना दिसले. तेव्हा पोलीस उपनिरिक्षक जाधव व यांनी सदर चालकास त्यांचे नाव पत्ता विचारला असता त्यांने त्यांचे नाव मोहम्मद अरिफ मुस्तफा कुरेशी (वय ३४) रा. गोंवडी प्लॉट नं १० रुम नं ५६४ मुंबई असे सांगुन सदर महिंद्रा कंपनीची बलेरो पिकअप गाडी चा नं एम एच ०४ एल ई १९५५ असे असलेबाबत सांगीतले.

सदर गाडीमध्ये असलेले मांस हे गोवंश मास असून ते बैलाचे असल्याचे चालक मोहम्मद कुरेशी यांने सांगून तो हैद्राबाद येथुन घेवुन आलो आहे. व मुंबई या ठिकाणी विक्री करण्यासाठी चालविले आहे असे सांगीतले. त्याबाबत त्याचेकडे कोणत्याही प्रकारचा परवाना नसल्याचे त्याने सांगून सदर गाडीमध्ये १००० किलो गोवंश मास असल्याचे सांगीतले. त्याप्रमाणे पोलीस उपनिरिक्षक जाधव यांनी सविस्तर पंचनामा केला आहे.

सदर गाडीतील १ लाख २० हजार रु किंमतीचे प्रती किलो १२० रू दराप्रमाणे एकुण 1 हजार किलो गोवंश मांस तसेच ५ लाख किंमतीची एक महिद्रा कंपनीची बलेरो पिकअप गाडी नं एम एच ०४ एल ई १९५५ एकुण ६ लाख २० हजार याप्रमाणे वरील वर्णनाचे व किंमतीचे गोवंश मास व वाहन सदर वाहनाचे चालकासह शिरुर पोलिसांनी पुढील कारवाईसाठी ताब्यात घेतले आहे.