शिरुरला अपंग व जेष्ठ नागरिकांकरीता मिळणार मोफत दाखले…

शिरुर (अरुणकुमार मोटे): (दि. १) जानेवारी पासुन श्रावण बाळ योजना वय वर्ष ६५ वरील व संजय गांधी योजनेत जे ८० % अपंगत्व असलेले लाभार्थ्यांना संजय गांधी व श्रावण बाळ योजनेसाठी लागणारे दाखले व प्रतिज्ञापत्र नागरी सुविधा केंद्र शिरुर (सेतु) यांच्या वतीने सामाजिक बांधिलकी म्हणून अभिनव ऊपक्रम राबवत या नागरीकांना विनामुल्य उपलब्ध करुन दिले जाणार आहे. यासाठी संजय गांधी व श्रावण बाळ योजनेसाठी लाभार्थी स्वतः या कार्यालयात येणे आवश्यक असल्याचे सेतु व्यवस्थापक शंकर जामदार व गणेश गाडेकर, श्रीकांत वाखारे, अक्षय पाडळे, शुभम कुंभार यांनी सांगितले आहे.

काही जेष्ठ नागरिकांना आपले अपत्य सांभाळत नाही व ते दाखला काढायला आल्यानंतर त्यांचे दाखला व प्रतिज्ञापत्र काढण्यामध्येच पैसे खर्च होतात. काही वेळेस त्यांना जाण्या -येण्या साठी ही खर्चीस पैसे नसतात त्यामुळे मी खुप वेळा त्यांना खर्ची साठी ही पैसे दीले आहे. त्यामुळे ह्या वर्षी पासून हा एक चांगला उपक्रम राबवावा अस वाटलं म्हणून तो चालू केला.

शंकर जामदार, सेतू व्यवस्थापक