शिरुर तालुक्यात एका युवकाची पेट्रोल पंपाच्या कर्मचाऱ्यांसोबत वादावादी अन नंतर फाशी घेत आत्महत्या

रांजणगाव गणपती (तेजस फडके) शिरुर तालुक्यातील रांजणगाव गणपती येथे गणपतीच्या मंदिरात दर्शनाला जातो असे सांगत घराबाहेर पडलेल्या युवकाची पेट्रोल पंपावरील कर्मचाऱ्यांशी वादावादी झाली त्यानंतर त्या युवकाचा मृतदेह फाशी घेतलेल्या अवस्थेत खंडाळा माथा येथे आढळून आल्याने खळबळ उडाली आहे. याबाबत संतोष पिरभाऊ पावसे (वय 39) रा. खराडी बालाजी हॉस्पिटल शेजारी, पुणे यांनी याबाबत रांजणगाव MIDC पोलिस स्टेशनला फिर्याद दाखल केली असुन पोलिस या घटनेचा पुढील तपास करत आहेत.

 

रांजणगाव MIDC पोलिसांनी दिलेल्या माहितीनुसार फिर्यादी संतोष पावसे यांचा पुतण्या आदित्य हा (दि 20) सप्टेंबर रोजी रात्री 11:30 वाजता माझे मित्र आले आहेत. असे सांगून घरातून निघून गेला. तो रात्री घरी न आल्याने त्याच्या मित्रांकडे चौकशी केली असता त्याचा मित्र लांडे याने त्याचा मित्र अजिंक्य नरवडे यांच्यासोबत रांजणगावला गणपतीला गेले आहेत. तसेच रात्री त्यांची रांजणगाव येथील पेट्रोल पंप वाल्यांसोबत वादावादी झाली तेव्हा आदित्य तिथून पळून गेला आहे अशी माहिती दिली.

 

त्यानंतर (दि 21) सप्टेंबर रोजी दुपारी 2 च्या सुमारास फिर्यादी यांचा मित्र सचिन घावटे यांच्याकडून त्यांना समजले की फिर्यादी त्यांचा पुतण्या आदित्य रामदास पावशे याने रांजणगाव येथे खंडाळे माथ्याजवळ एका झाडाला गळफास घेऊन आत्महत्या केली आहे. त्यानंतर त्यांनी रांजणगाव MIDC पोलिस स्टेशनला धाव घेत फिर्याद दाखल केली. पोलिस निरीक्षक महेश ढवाण यांच्या मार्गदर्शनाखाली या घटनेचा पुढील तपास पोलिस उपनिरीक्षक शिवाजी मुंढे हे करत आहेत.