रांजणगाव गणपती (तेजस फडके) येथील स्मशानभुमीसमोर रांजणगाव-सोनेसांगवी रस्त्याच्या कडेला घरी कोणी नसल्याचा फायदा घेत अज्ञात चोरट्यांनी बंद घराचे कुलूप फोडून तब्बल ५ लाख २९ हजार किमतीचे सोन्याचे दागिने आणि रोकड पळविल्याची धक्कादायक घटना उघडकीस आली आहे.
याबाबत रांजणगाव MIDC पोलिस ठाण्यात निलम पांडुरंग तोडकर (वय ४८) यांनी फिर्याद दिली असुन त्यांचे कुटुंब दि २४ नोव्हेंबर २०२५ रोजी रात्री बाहेरगावी गेले होते. त्यावेळी घराला बाहेरुन कुलूप असल्यामुळे अज्ञात चोरट्यांनी घरात शिरुन लाखोंची चोरी केली. हा सर्व प्रकार २६ नोव्हेंबर २०२५ रोजी दुपारच्या सुमारास तोडकर मोठा मुलगा सुयश घरी आला असता सेफ्टी डोअरचे लॉक व मुख्य दरवाज्याचा कडी कुलूप तुटलेले आढळले. हा प्रकार लक्षात येताच त्याने तातडीने आई-वडिलांना व पोलिसांना माहिती दिली.
त्यानंतर तोडकर दाम्पत्य घरी आल्यानंतर घरातील कपाटे उघडी, सर्व साहित्य अस्ताव्यस्त, रोकड- दागिने गायब होते. यावेळी कपाटातील दागिन्यांसह रोकडही चोरीला गेल्याचे लक्षात आले.
चोरीस गेलेला ऐवज खालीलप्रमाणे
१) ४९ हजार रुपयांची रोकड
२) २ लाख ८० हजार रुपयांचे चार तोळ्याचे सोन्याचे गंठण
३) २१ हजार रुपयांची ३ ग्रॅम सोन्याची अंगठी
४) ७० हजार रुपये किंमतीच्या प्रत्येकी अर्धा तोळ्याच्या दोन सोन्याच्या अंगठ्या
५) ८४ हजार रुपये किंमतीचे १२ ग्रॅम शॉट/मिनी गंठण
६) २५ हजार रुपये किंमतीचा चांदीचा गाठ्ठा
असे एकुण ५ लाख २९ हजार रुपये किंमतीचे सोन्याचे दागिने तसेच रोकड चोरांनी लंपास केली आहे.
या प्रकरणी रांजणगाव MIDC पोलिसात अज्ञात चोरट्यांविरुद्ध गुन्हा दाखल करण्यात आला असुन या परिसरात वाढत्या चोरीच्या घटनांमुळे नागरिकांमध्ये भीतीचे वातावरण पसरले आहे. या घटनेचा पुढील अधिक तपास रांजणगाव MIDC पोलिस स्टेशनचे पोलिस उपनिरीक्षक अविनाश थोरात करत आहेत.
Video; शिरुर शहराचा सर्वांगीण विकास शिंदे साहेबांच्या मार्गदर्शनाखाली करणार : रोहिणी बनकर
Video: शिरुर तालुका डॉट कॉम च्या बातमीचा दणका; महसुल विभागाने वाळूच्या बोटी फोडल्या
शिरुर तालुक्यात दोन जर्सी कालवडीवर बिबट्याचा हल्ला एक ठार, दुसरी गंभीर जखमी
कल्याण: कल्याण रेल्वे स्थानक परिसरातील वाढती वाहतूक कोंडी कायमची सोडवण्यासाठी सॅटीस (SATIS) प्रकल्पाला गती देण्याचे…
मुंबई: महिला आरक्षणाच्या मुद्द्यावरून काँग्रेसने भाजपावर जोरदार टीका करत सरकारला थेट चर्चेचे आव्हान दिले आहे.…
सातारा: “मी उपमुख्यमंत्री म्हणून नाही, तर या मातीचा भूमिपुत्र म्हणून आलो आहे; जिथे कोणी जात…
मुंबई: महिला आरक्षण कायद्याच्या अंमलबजावणीवरून भाजपवर राष्ट्रवादी काँग्रेस पार्टी (शरदचंद्र पवार गट) चे प्रवक्ता ॲड.…
मुंबई: महाराष्ट्रात सुरू असलेल्या विशेष मतदार यादी पुनरिक्षण (Special Intensive Revision – SIR) प्रक्रियेच्या पार्श्वभूमीवर…
नागपूर: Vijay Wadettiwar यांनी पंतप्रधान Narendra Modi यांच्या कालच्या भाषणावर जोरदार टीका करत ते भाषण…